كۇنىنە ون ءبىر مينۋت جىلدام ءجۇرۋ ءولىم قاۋپىن 5,5 پايىزعا تومەندەتەدى. كەمبريدج ۋنيۆەرسيتەتىنىڭ زەرتتەۋشىلەرى ۇسىنعان اقپاراتقا قاراعاندا, از ۋاقىتتىق فيزيكالىق بەلسەندىلىك ءومىردى ۇزارتادى.
جۇرەك اۋرۋى, ينسۋلت, جۇرەك-قان تامىرلارى اۋرۋلارى ەڭ كوپ ولىمگە الىپ كەلەتىن اۋرۋلار. ماسەلەن, 2016 جىلى 17,9 ميلليون ادام قايتىس بولعان. ال كۇندەلىكتى فيزيكالىق بەلسەندىلىك بۇلھ قاۋىپتى تومەندەتەدى. دەنساۋلىقتى جاقسارتۋ ءۇشىن دارىگەرلەر ەرەسەكتەرگە اپتاسىنا كەمىندە 150 مينۋت جۇرەك سوعىسى مەن تىنىس الۋ جيىلىگىن ارتتىراتىن دەنە جاتتىعۋلارىن جاساۋدى ۇسىنادى.
جۇرەك-قان تامىرلارى اۋرۋلارى مەن مەزگىلسىز ءولىم قاۋپىن ازايتۋ ءۇشىن قاجەتتى فيزيكالىق بەلسەندىلىك دەڭگەيىن انىقتادى. زەرتتەۋگە قاتىسۋشىلاردىڭ ۇشتەن ەكىسى اپتاسىنا 150 مينۋتتان از جاتتىعۋ جاساعان. وننان ءبىر بولىگى عانا اپتاسىنا بەس ساعاتتان ارتىق جاتىققان.
الايدا, اپتاسىنا 75 مينۋت جاتتىعۋ جاساعانداردا دا جۇرەك اۋرۋلارىنا بايلانىستى ەرتە ءولىم قاۋپى شامامەن 23 پايىزعا تومەندەگەن. سونىمەن قاتار بۇل كەيبىر قاتەرلى ىسىكتەردىڭ اسقىنۋىن 3-26 پايىزعا تومەندەتكەن. وسىلايشا, كۇنىنە 10-11 مينۋتتىق ورتاشا فيزيكالىق بەلسەندىلىك دەنساۋلىقتى ايتارلىقتاي جاقسارتا الادى.