قىزىلشانىڭ الدىن الۋ ماڭىزدى

ۆيرۋس سويلەسكەندە, جوتەلگەندە, تۇشكىرگەندە اۋرۋ ادامنىڭ سىلەكەيىمەن اۋا تامشىلارى ارقىلى سىرتقى ورتاعا تارايدى. ءتورتىنشى كۇنى كوزى ءبورتىپ اۋىرىپ جۇرگەن ادام ينفەكتسيانى تاراتۋشى  بولىپ سانالادى. بەسىنشى كۇننەن باستاپ ۆيرۋس ادامعا جۇقپايدى. دەرتتەن ساۋىققان ادامدا ءومىر بويى قىزىلشاعا قارسى يممۋنيتەت ساقتالادى. كەزىندە قىزىلشامەن اۋىرعان ايەلدەن تۋعان بالا ءۇش ايعا دەيىن بۇل اۋرۋعا شالدىقپايدى, ويتكەنى ونىڭ بويىندا اناسىنان بەرىلگەن ۆيرۋستان قورعايتىن اۋرۋعا قارسى دەنەلەر ۋاقىتشا ساقتالادى. قىزىلشامەن اۋىرماعان جانە وعان قارسى ۆاكتسينا ەگىلمەگەن ادامدا كەز كەلگەن جاستا ۆيرۋستى جۇقتىرىپ الۋى مۇمكىن.

اۋرۋدىڭ نەگىزگى بەلگىلەرى:

السىزدىك; دەنە قىزۋىنىڭ كوتەرىلۋى; قاباقتىڭ ءىسىنۋى; باس اۋرۋى; ۇيقىسىزدىق; جالپى مازاسىزدىق; تاماققا تابەتى بولماۋ; شىرىشتى سەكرەتسياسى بار كۇشتى رينيت; قۇرعاق جوتەل; كونيۋكتيۆيت; 3-8 كۇن ىشىندە دەنەنىڭ ءبورتۋى.

اۋرۋ بەلگىلەرى بايقالسا, ساۋ ادامدارعا جۇقتىرماس ءۇشىن قارىم-قاتىناستى دەرەۋ توقتاتۋ كەرەك. مۇندايدا بىردەن ەمحاناعا بارىپ, زەرتحانالىق سىنامالارىن العاننان كەيىن دياگنوزدى ينفەكتسيونيست-دارىگەرلەر قويادى. اۋرۋ ادام قان جانە ءزار تاپسىرادى. دارىگەردىڭ جولداماسىمەن تاعى دا قاجەتتى اناليزدەردى تاپسىرۋى ىقتيمال. دارىگەرلەر اۋرۋمەن قارىم-قاتىناستا بولعان ادامدارىڭ ءبارىن 21 كۇن بويى تەكسەرەدى.

ۆاكتسينا الماعان 5 جاسقا دەيىنگى بالالار مەن 20 جاستان اسقاندار ءجيى اۋىرادى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, 2022 جىلى الەمدە 155 مىڭنان استام ادام قىزىلشا جۇقتىرعان. بيىل بۇل دەرت قىرعىزستان, رەسەي, ۋكراينا ەلدەرىندە ءجيى تىركەلە باستادى. قازاقستاندا سوڭعى جىلدارى قىزىلشامەن اۋىراتىندار سانى ازايدى, ءتىپتى, كەي جىلدارى ەشقانداي جۇقتىرۋ دەرەگى تىركەلمەدى. الايدا تاياۋدا عانا تۇركيادان اقتوبەگە ۇشىپ كەلگەن التى جاسار بالادان قىزىلشا ۆيرۋسى انىقتالدى. سوندىقتان ەپيدەمولوگتار بۇل ۆيرۋستىق ينفەكتسيانىڭ قاۋىپتى ەكەنىن ەسكەرتەدى. كارديوحيرۋرگ مىڭجىلقى بەردىقوجا بولسا ۆاكتسينا -  قىزىلشادان ساقتانۋدىڭ جالعىز امالى دەيدى.