توتەنشە جاعدايلار ۆيتسە-ءمينيسترى يبراگيم كۇلشىمباەۆ الماتىداعى ىقتيمال جەر سىلكىنىسى كەزىندەگى ەڭ قاۋىپسىز اۋداندى اتادى, دەپ حابارلايدى Egemen.kz.
«الماتى – رەسپۋبليكامىزدىڭ سەيسميكالىق قاۋىپتى ايماقتارىنىڭ ءبىرى. قالا تەكتونيكالىق پليتالاردىڭ 27 قاۋىپتى جارىلۋ ايماعىندا ورنالاسقان. ولاردىڭ نەگىزگىلەرى - قالانىڭ تاۋلى ايماقتارى. بارىنشا قاۋىپسىزى – تۇركسىب اۋدانى, قالعاندارىنىڭ ءبارى – مەدەۋ, بوستاندىق اۋداندارى وپىرىلۋ ورىندارىندا ورنالاسقان, سوندىقتان قاۋىپ جوعارى», دەدى كۇلشىمباەۆ.
ونىڭ بولجامى بويىنشا, 9 جانە ودان دا كوپ باللدىق جەر سىلكىنىسى بولعان جاعدايدا الماتىداعى تۇرعىن ۇيلەردىڭ 30 پايىزى زارداپ شەگۋى مۇمكىن.
«بولجام بويىنشا, 9 بالل جانە ودان جوعارى جويقىن جەر سىلكىنىسى بولعان جاعدايدا تۇرعىن ۇيلەردىڭ 30 پايىزىنا دەيىن قيراۋى مۇمكىن. تيىسىنشە, شىعىن كولەمىن دە ەسەپتەۋ قاجەت», دەپ تۇيىندەدى ۆيتسە-مينيستر.