سەنات دەپۋتاتى سەرىك شايداروۆ شەكارالاس ايماقتا حالىق سانىنىڭ از بولۋى ۇلتتىق قاۋىپسىزدىككە قاتەر توندىرەتىنىن مالىمدەدى, دەپ حابارلايدى Egemen.kz.
سەرىك شايداروۆتىڭ سوزىنشە, قازىرگى ۋاقىتتا قاراعاندى, قوستاناي, پاۆلودار, سولتۇستىك جانە شىعىس قازاقستان وبلىستارىنان ازاماتتار ۇدەرە كوشىپ جاتىر.
«بۇل تۇپتەپ كەلگەندە ايماقتار اراسىنداعى الەۋمەتتىك جانە ەكونوميكالىق تەڭسىزدىككە عانا ەمەس, ۇلتتىق قاۋىپسىزدىككە قاتەر ءتوندىرۋى مۇمكىن. اسىرەسە شەكارالاس ايماقتارداعى ەلدى مەكەندەردە حالىق از قونىستانسا», دەدى ول.
«ينفراقۇرىلىمنىڭ توزۋى مەن جۇمىس ورنىنىڭ جوقتىعى ايماقتارداعى ميگراتسيالىق پروتسەستى جەدەلدەتەتىنىن ءتۇسىنۋ كەرەك. سوندىقتان الداعى ۋاقىتتا ايماقتاردا جۇمىس ورىندارىن اشۋ, ينجەنەرلىك ينفراقۇرىلىمدى دامىتۋ ورتالىق جانە جەرگىلىكتى بيلىكتىڭ باستى مىندەتىنە اينالۋى قاجەت», دەپ قوستى سەناتور.
سەناتور 2010-2020 جىلدار ارالىعىندا اقتوبە وبلىسى, استانا, الماتى مەن شىمكەنت قالالارىنا كوپتەپ كوشكەن. قازىر بۇل ايماقتاردا جالپى حالىقتىڭ 36%-ى تۇرادى ەكەن.