مەملەكەت باسشىسى قاسىم-جومارت توقاەۆ سيريالىق اراب رەسپۋبليكاسىنا گۋمانيتارلىق كومەك جىبەرۋدى تاپسىرعانى دا بەلگىلى. وسىعان وراي جاقىندا ءزىلزالادان زارداپ شەككەن بۇل ەلگە قاجەتتى زاتتاردىڭ العاشقى لەگى جىبەرىلدى.
سيريا حالقىنا قاجەتتى ءبىرىنشى كەزەكتەگى زاتتار توتەنشە جاعدايلار مينيسترلىگىنىڭ (تجم) مەملەكەتتىك ماتەريالدىق قورىنان تاسىمالدانادى. 50 توننا كولەمىندەگى گۋمانيتارلىق كومەك ازىق-ت ۇلىك قاۋىپسىزدىگى جونىندەگى يسلام ىنتىماقتاستىق ۇيىمى ارقىلى الەپپو قالاسىنا ءتورت رەيسپەن 17-21 اقپان ارالىعىندا جىبەرىلەدى.
گۋمانيتارلىق كومەكتى جونەلتۋدىڭ بارىسىن توتەنشە جاعدايلار ۆيتسە-ءمينيسترى مەرەكە پشەمباەۆ قاداعالادى. تجم 28237 اسكەري ءبولىمىنىڭ قىزمەتكەرلەرى مەملەكەتتىك ماتەريالدىق قور كوميتەتىنىڭ قويماسىنان م ۇلىكتەردى كولىكتەرگە تيەپ, الماتى قالاسىنداعى حالىقارالىق اۋەجايعا جەتكىزدى. بارلىعى 50 اسكەري قىزمەتشى مەن 5 تەحنيكانىڭ كومەگىمەن جۇك ودان ءارى ارنايى ۇشاققا تيەلدى.
گۋمانيتارلىق جۇكتىڭ قۇرامىندا كونسەرۆىلىك ازىق-ت ۇلىكتەر, جىلى كيىمدەر, قىسقى شاتىرلار, كەرەۋەتتەر مەن توسەك جاراقتارى بار. ال توتەنشە جاعدايلار مينيسترلىگىنىڭ 28237 اسكەري ءبولىمىنىڭ قىزمەتشىلەرى جۇكتەلگەن مىندەتتى تولىعىمەن ىسكە اسىرامىز دەپ وتىر.