بۇگىن الماتىدا جولاۋشىلار اۆتوبۋسى ورتەنىپ كەتتى, زارداپ شەككەندەر جوق, دەپ حابارلايدى Egemen.kz.
بەلگىلى بولعانداي, وقيعا بۇگىن ساعات 8:27-دە تىركەلگەن. الماتىداعى تولە بي جانە شااج كوشەلەرىنىڭ قيىلىسىندا «لياز» اۆتوبۋسى جانىپ كەتتى. اۆتوبۋس ىشىندە جولاۋشىلار بولماعان.
ء«ورت اۋماعى 25 شارشى مەتردى قۇرادى. ءورتتى سوندىرۋ ءۇشىن دەرەۋ كوبىگى بار بوشكەلەر قولدانىلدى. سونداي-اق اۆتوبۋس قۇرىلىمدارىن سالقىنداتۋ جۇمىستارى جۇرگىزىلدى. قابىلدانعان شارالاردىڭ ارقاسىندا ءورت 08:45-تە وقشاۋلانىپ, تاعى بەس مينۋتتان كەيىن تولىق ءسوندىرىلدى», دەلىنگەن الماتى قالاسىنىڭ توتەنشە جاعدايلار دەپارتامەنتىنىڭ مالىمەتىندە.
ءورتتى سوندىرۋگە توتەنشە جاعدايلار دەپارتامەنتىنىڭ 8 قىزمەتكەرى مەن ەكى تەحنيكا جۇمىلدىرىلعان. زارداپ شەككەندەر جوق.