قازاقستاندا يدەولوگيالىق تۇرعىدان ەسكىرگەن 3 مىڭعا جۋىق قالا مەن كوشە اتاۋى وزگەرەدى. بۇل تۋرالى ۆيتسە-پرەمەر التاي كولگىنوۆ دەپۋتاتتىق ساۋالعا بەرگەن جاۋابىندا ايتتى, دەپ حابارلايدى Egemen.kz.
پرەمەر-ءمينيستردىڭ ورىنباسارىنىڭ ايتۋىنشا, بىلتىردان بەرى يدەولوگيالىق تۇرعىدان ەسكىرگەن اتاۋلاردى قايتا اتاۋ جونىندەگى 2022-2025 جىلدارعا ارنالعان جول كارتاسى ىسكە اسىرىلىپ جاتىر. جول كارتاسىنىڭ اياسىندا 2021 جىلى 68 ەلدى مەكەن مەن ولاردىڭ 572 قۇرامداس بولىگىنىڭ اتاۋلارى وزگەرتىلگەن.
«جول كارتاسى اياسىندا بارلىعى 3 مىڭعا جۋىق ەسكىرگەن اتاۋلاردى اۋىستىرۋ جوسپارلانىپ جاتىر. اتاۋ بەرۋ كەزىندە جەرگىلىكتى تۇرعىنداردىڭ پىكىرى ەسكەرىلىپ, ۇسىنىلعان اتاۋ تاريحى زەردەلەنەدى», دەلىنگەن قۇجاتتا.
2021 جىلدىڭ قىركۇيەك ايىندا رەسپۋبليكالىق ونوماستيكالىق كوميسسيا مەملەكەت پەن قوعامنىڭ دامۋىنا زور ۇلەس قوسقان قايراتكەرلەردىڭ اراسىنان تاريحي تۇلعالاردىڭ ءتىزىمىن جاساقتاعان. اتاۋلاردى وزگەرتۋ كەزىندە ونوماستيكالىق كوميسسيالار وسى تىزىمگە ەنگىزىلگەن اتاۋلاردى پايدالانادى.