قر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن كەڭەستە جاستار ساياساتى جانە مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋدى دامىتۋ تۇجىرىمدامالارىنىڭ جوبالارى قارالدى, دەپ حابارلايدى Egemen.kz.
اقپارات جانە قوعامدىق دامۋ ءمينيسترى دارحان قىدىرالى جاستار ساياساتى تۇجىرىمداماسىنىڭ جوباسى 6 باعىت پەن 10 نىسانالى ينديكاتوردى جانە 72 ءىس-شارانى قامتيتىنىن ايتتى. نەگىزگى جاڭالىقتاردىڭ ءبىرى – جاستارمەن جۇمىس ىستەۋ جانە ولاردىڭ پروبلەمالارىن شەشۋ بويىنشا اكىمدىكتەر جۇمىسىنىڭ تيىمدىلىگىن باعالاۋعا مۇمكىندىك بەرەتىن جاستاردى دامىتۋ يندەكسىن ەنگىزۋ.
ء«بىز 2029 جىلعا قاراي مەملەكەتتىك قولداۋ شارالارى تۋرالى جاستاردىڭ حاباردارلىعىن 90%-عا دەيىن, ۆولونتەرلىك, قايىرىمدىلىق جانە ەكولوگيالىق باستامالارعا تارتىلۋ دەڭگەيىن 32%-عا دەيىن ارتتىرۋدى كوزدەپ وتىرمىز», دەدى د. قىدىرالى.
سونىمەن قاتار تۇجىرىمداما جوباسى جاس كاسىپكەرلەردىڭ ۇلەسىن 30%-عا دەيىن, جۇمىسپەن قامتۋ ورتالىقتارىنا جۇگىنگەندەر اراسىنان جۇمىسقا ورنالاستىرىلعان جاستاردىڭ ۇلەسىن 61%-عا دەيىن ۇلعايتۋدى كوزدەيدى.
2029 جىلعا قاراي 2,3 ملن جاستى جۇمىسپەن قامتۋ جوسپارلانۋدا, ونىڭ 1 ملن-ى – اۋىل تۇرعىندارى. سونىمەن قاتار اۋىلدىق جەرلەردە تۇراتىن 1,5 ملن جاس قازاقستاندىق تسيفرلىق ساۋاتتىلىققا وقىتىلادى.
وقۋ-اعارتۋ ءمينيسترى عاني بەيسەمباەۆ 2023-2029 جىلدارعا ارنالعان مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋدى دامىتۋ تۇجىرىمداماسىنىڭ جوباسىن ۇسىنا وتىرىپ, ونى ىسكە اسىرۋ 2 جاستان 6 جاسقا دەيىنگى بالالاردىڭ مەكتەپكە دەيىنگى ساپالى ءبىلىم الۋىن قامتاماسىز ەتۋگە مۇمكىندىك بەرەتىنىن جانە مەكتەپتەگى ءبىلىم بەرۋ ساپاسىن ارتتىرۋعا ىقپال ەتەتىنىن اتاپ ءوتتى.
ءۇش اۋىسىممەن وقىتاتىن جانە اپاتتى مەكتەپتەردى, وقۋشى ورىندارىنىڭ تاپشىلىعىن جويۋ ارقىلى جايلى جانە قاۋىپسىز ءبىلىم بەرۋ ورتاسىن قۇرۋ جونىندە شارالار قابىلدانادى. ماسەلەنى شەشۋ ءۇشىن 1,5 ملن جاڭا وقۋشى ورنى اشىلادى. مەكتەپتەر قاۋىپسىزدىك جۇيەلەرىمەن تولىق جابدىقتالادى. 2026 جىلعا قاراي اۋىلداردا, شاعىن قالالاردا جانە اۋدان ورتالىقتارىندا 5 مىڭ مەكتەپ جاڭعىرتىلادى.
بالالاردان شىعارماشىل, ينتەللەكتۋال جانە فيزيكالىق تۇرعىدان جەتىلگەن تۇلعا قالىپتاستىرىپ شىعارۋ ءۇشىن جاعداي جاساۋعا, سونداي-اق بالالاردىڭ ساپالى ساۋىعۋى مەن دەمالىسىن قامتاماسىز ەتۋگە قاجەتتى دەڭگەيدە كوڭىل بولىنەدى.
تەحنيكالىق جانە كاسىپتىك ءبىلىم بەرۋ جۇيەسىندە قازاقستاندىق جاستاردىڭ كوللەدجدەردە سۇرانىسقا يە ماماندىقتار بويىنشا تەگىن ءبىلىم الۋىنا باسا نازار اۋدارىلدى.