قازاقستان ۇلتتىق بانكى مەن ەكىنشى دەڭگەيلى بانكتەر 2022 جىلى 1 237 250 تەڭگەگە بارابار 391 جالعان اقشا بەلگىسىن انىقتادى. ونىڭ 386-سى – بانكنوتا, 5-ءۋى – مونەتا. بۇل كورسەتكىش 2021 جىلمەن سالىستىرعاندا 24,7%-عا از, دەپ حابارلايدى Egemen.kz.
جالعان اقشا بەلگىلەرىنىڭ نومينالدارىنا جاسالعان تالداۋ جۇمىستارىنان بىرنەشە بانكنوتالاردىڭ قولدان ءجيى جاسالاتىنى بەلگىلى بولدى. اتاپ ايتقاندا, 2000 تەڭگە – 238 دانا (جالپى انىقتالعان جالعان اقشا سانىنىڭ 60%-ىن قۇرايدى), 10 000 تەڭگە – 55 دانا (14%), 500 تەڭگە – 50 دانا (12,8%).
قولدان جاسالعان اقشالاردىڭ كوپ مولشەرى الماتىدا انىقتالدى – 255 دانا نەمەسە جالپى سانىنىڭ 65,2%-ى. قالعان وڭىرلەردە 136 دانا نەمەسە جالپى سانىنىنىڭ 34,8%-ى.
«قازاقستاندا جالعان بانكنوتالار نەگىزىنەن كومپيۋتەرلىك تەحنيكانى, قاراپايىم ءتۇرلى ءتۇستى پرينتەر مەن وفسەتتىك قاعازداردى قولدانا وتىرىپ جاسالعان. قولدان اقشا جاساۋشىلار ۆيزۋالدى قورعانىش ەلەمەنتتەرىن مەيىلىنشە ۇقساتىپ جاساۋعا تىرىسادى», دەلىنگەن ۇلتتىق بانك حابارلاماسىندا.
جالعان اقشانى تۇپنۇسقادان قالاي اجىراتۋعا بولاتىنى تۋرالى اقپاراتپەن قۇب-تىڭ رەسمي سايتىندا نەمەسە قۇب-تىڭ YouTube-تەگى رەسمي اككاۋنتىندا تانىسۋعا بولادى.