استانا اكىمى جەڭىس قاسىمبەك ەلوردانىڭ اۆتوبۋس پاركى جاڭارتىلاتىنىن ايتتى, دەپ حابارلايدى Egemen.kz.
«بيىل ءبىز اۆتوبۋس پاركىن 25%-عا جاڭارتۋدى جوسپارلاپ وتىرمىز. العاشقى اۆتوبۋستار جازدا كەلەدى. جاڭا اۆتوبۋستار كەلگەن بويدا ءبىز قوسىمشا باعىتتاردى ىسكە قوسۋ مۇمكىندىگىن قاراستىرامىز. بيىل قالاعا ورتا ەسەپپەن 300-دەن 500-گە دەيىن جاڭا اۆتوبۋس ساتىپ الماقپىز. بۇل بۇگىنگى كۇننىڭ 25-30 پايىزىن قۇرايدى», دەدى جەڭىس قاسىمبەك بايقوڭىر ءوڭىرىنىڭ تۇرعىندارىمەن كەزدەسۋىندە.
ايتا كەتەيىك, بيىل ەلوردادا 8 جاڭا قالالىق مارشرۋت پەن قالا ماڭىندا جۇرەتىن 24 مارشرۋت پايدا بولادى.