بۇگىن الماتىدا ەكى جولاۋشىلار اۆتوبۋسى سوقتىعىسىپ قالدى, دەپ حابارلايدى Egemen.kz.
انىقتالعانداي, وقيعا ءال-فارابي داڭعىلى مەن جاروكوۆ كوشەسىنىڭ قيىلىسىندا, «قازاقفيلم» كينوستۋدياسىنا قاراما-قارسى جەردە بولعان. № 31 اۆتوبۋس №116 اۆتوبۋستى سوققان. سوققىدان №116 اۆتوبۋستىڭ ارتقى اينەگى سىنعان.
«31-باعىتتاعى Yutong قوعامدىق كولىگىنىڭ جۇرگىزۋشىسى داڭعىلمەن باتىس باعىتتا كەلە جاتىپ, الدىن الا بولجام بويىنشا, اراقاشىقتىقتى ساقتاماۋ سالدارىنان ايالدامادا تۇرعان 116-باعىتتاعى SAZ قوعامدىق كولىگىمەن سوقتىعىسقان. الدىن الا دەرەكتەر بويىنشا التى ادام دەنە جاراقاتىن الدى», دەلىنگەن جەرگىلىكتى پوليتسيا قىزمەتى كەزەكشى ءبولىمىنىڭ مالىمەتىندە.