تالعار پوليتسەيلەرى 32 جاستاعى ازاماتتى ءولتىردى دەگەن كۇدىككە ىلىنگەن ادامدى ۇستادى, دەپ حابارلايدى Egemen.kz.
«24 قاڭتار كۇنى ساعات 13:48 شاماسىندا تالعار اۋدانىنىڭ پب-گە وق جاراقاتى بار 32 جاستاعى ازاماتتىڭ ءمايىتى تابىلعانى تۋرالى حابارلاما تۇسكەن. اتالعان دەرەك قر قك 99-بابىنىڭ 1-بولىگى بويىنشا جوعارىدا كورسەتىلگەن بولىمشەنىڭ سدتبت-سىندا تىركەلدى. 1990 جىلعى كۇدىكتى, تالعار اۋدانىنىڭ تۇرعىنى قورداي اۋىلىنداعى شەكارادان وتپەك بولعان كەزدە ۇستالدى. قازىر ول ۋاقىتشا ۇستاۋ يزولياتورىنا قامالدى», دەپ جازىلعان ءىىم ءباسپاسوز قىزمەتى تاراتقان حابارلامادا.