ارنايى وپەراتسيانى تالدىقورعان ماڭىنداعى ۇققكب جەدەل ۋاكىلدەرى مەن ۇلتتىق ۇلان ارنايى كۇشتەرىنىڭ قىزمەتكەرلەرى جۇرگىزدى, دەپ حابارلايدى Egemen.kz.
«كوكسۋ اۋدانىنىڭ 35 جانە 40 جاستاعى ەكى تۇرعىنى ۇستالدى. ولاردان كالاشنيكوۆ اۆتوماتى (اك-74), كارابين جانە 5,45 مم كاليبرلى 30 پاترون تاركىلەندى. ارنايى بازا بويىنشا تەكسەرۋ كەزىندە قارۋدىڭ قاڭتار وقيعالارى كەزىندە ۇرلانعانى انىقتالدى», دەدى جەتىسۋ وبلىسى پد-نىڭ رەسمي وكىلى مەرۋەرت مورياكوۆا.
كۇدىكتىلەر قاماۋعا الىندى. سوتقا دەيىنگى تەرگەپ-تەكسەرۋ قر قك-ءنىڭ 287-بابى 4-بولىگى «قارۋدى, وق-دارىلەردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ» بويىنشا جۇرگىزىلەدى.
تەرگەۋ اياسىندا قاجەتتى ساراپتامالار تاعايىندالدى.