16 قاڭتاردا الماتىداعى «تسەليننىي» زاماناۋي مادەنيەت ورتالىعىندا «دوما لۋچشە» قوعامدىق الەۋمەتتانۋ زەرتحاناسىنىڭ اۋىلدىق ايماقتاردى تۇراقتى دامىتۋ قورى مەن AlmaU ۋربانيستيكا ورتالىعى بىرلەسىپ ۇيىمداستىرعان قورىتىندى تانىستىرىلىمى ءوتتى, دەپ حابارلايدى Egemen.kz.
«دوما لۋچشە» جوباسى – قازاقستانداعى قالا مەن اۋىلدىڭ ايىرماشىلىعى ماسەلەسىن زەرتتەۋگە باعىتتالعان قوعامدىق الەۋمەتتانۋ زەرتحاناسى. بۇل زەرتتەۋدىڭ نەگىزگى ماقستاتى – قازاقستاننىڭ ءارتۇرلى ايماقتارىنداعى تۇرعىنداردىڭ ء«ۇي» ۇعىمىن قالاي تۇسىنەتىنىن انىقتاۋ.
تانىستىرىلىمدا الەۋمەتتانۋشى, رحشجمقا فەدەراتيۆتى زەرتتەۋ ادىستەمەسى ورتالىعىنىڭ ديرەكتورى دميتري روگوزين مەن جوبا كۋراتورلارى ۋربانيستيكا ورتالىعىنىڭ تاجىريبە بويىنشا پروفەسسورى الەكساندر ۆيلەيكيس, AlmaU ۋربانيستيكا ورتالىعىنىڭ ديرەكتورى انەل مولداحمەتوۆانىڭ قاتىسۋىمەن اشىق ديسكۋسسيا ءوتتى.
جوبا كۋراتورى, ايماقتىق دامۋ باعدارلاماسىنىڭ جانە اۋىلدىق ايماقتاردى تۇراقتى دامىتۋ قورىنىڭ دەنساۋلىق ساقتاۋ باعدارلاماسىنىڭ ۇيلەستىرۋشىسى فاتيما گەرفانوۆانىڭ ايتۋىنشا, زەرتتەۋ ناتيجەسىندە دايىندالعان policy-paper-دە اۋىلدا بوس ۋاقىت وتكىزۋدىڭ ماڭىزدىلىعى, اۋىل تۇرعىندارىنىڭ ءوزارا قارىم-قاتىناسىن قۇرۋ قاجەتتىلىگى تۋرالى قىزىق قورىتىندىلار بار.
«اۋىلدىق ايماقتاردى تۇراقتى دامىتۋ قورى قازاقستاننىڭ اۋىلدىق ايماقتارىندا جۇمىس ىستەگەندىكتەن ءبىز جىل سايىنعى كوشى-قون اعىنىنا كۋا بولامىز. «دوما لۋچشە» قوعامدىق الەۋمەتتانۋ زەرتحاناسى اياسىندا ءبىزدى اۋىل تۇرعىندارىنىڭ اۋىلدا قالۋىنا نە تۇرتكى بولادى, اۋىل تۇرعىندارىنا قالاعا كوشسە دە «تۋعان اۋىل» قانشالىقتى ماڭىزدى, قازىر قالادا تۇرىپ جاتقان اۋىلدان شىققان ازاماتتار قانداي جاعدايدا اۋىلدارعا قايتا كوشۋگە دايىن دەگەن سۇراقتار مازالادى. زەرتتەۋ قورىتىندىسى مەن ۇسىنىستار نەگىزىندە بولاشاقتا اۋىلدىق ايماقتاردى تۇراقتى دامىتۋ قورى جۇمىس ىستەيتىن اۋىلداردا ءتۇرلى جوبالار جۇزەگە اسىرىلماق», دەدى فاتيما گەرفانوۆا.
ەتنوگرافيكالىق سۇحباتتار ناتيجەسىندە زەرتتەۋشىلەر ءتۇرلى الەۋمەتتانۋ جوبالارىنىڭ تيىمدىلىگىن, اۋىلدى دامىتۋ بويىنشا جۇرگىزىلگەن ساياسات سالدارىن, قالا مەن اۋىل اراسىنداعى ۇلعايىپ بارا جاتقان الشاقتىقتىڭ سەبەبىن باقىلاي الدى. زەرتحانا قورىتىندىسى رەتىندە زەرتتەۋدىڭ بايانداۋ بولىگى, فوتو ماتەريالدار مەن اۋىلدى دامىتۋ بويىنشا كەڭەستەر قامتىلعان policy-paper جاريالاندى.
زەرتحانا اياسىندا قازاندا open-call ناتيجەسىندە ىرىكتەپ الىنعان قاتىسۋشىلار ادىستەمەلىك ترەنينگتەن ءوتىپ, الماتى, ماكينسك, كاپيتونوۆكا پەن ۆوزنەسەنكادا اقپارات جينادى. ودان كەيىن قاتىسۋشىلار جينالعان ماتەريالدى (سۇحبات پەن سۋرەتتەر) رەتتەپ, زەرتحانادا انىقتالعان ماسەلەلەرگە شەشىم ۇسىناتىن policy-paper-دە كونتسەپتىگە ساي ورنالاستىرۋ ءۇشىن ەكى اي بويى كەزدەسىپ تۇردى.