بۇل ماسەلەنى قازاقستاننىڭ ەلشىسى نۇرباح رۇستەموۆ رۋمىنيا پرەمەر-ءمينيسترىنىڭ مەملەكەتتىك كەڭەسشىسى يۋليان كيفۋمەن كەزدەسۋىندە تالقىلادى, دەپ حابارلايدى Egemen.kz.
كەلىسسوز بارىسىندا قازاقستاندىق ديپلومات ەلىمىزدەگى ىشكى ساياسي جانە الەۋمەتتىك-ەكونوميكالىق جاعداي تۋرالى, سونداي-اق پرەزيدەنت قاسىم-جومارت توقاەۆتىڭ «ادىلەتتى قازاقستاندى» قۇرۋعا باعىتتالعان رەفورمالارى مەن باستامالارىن جۇزەگە اسىرۋ بارىسى جايىندا باياندادى.
تاراپتار ەنەرگەتيكا, كولىك جانە لوگيستيكالىق ىنتىماقتاستىققا ەرەكشە نازار اۋدارا وتىرىپ, ەكىجاقتى قارىم-قاتىناستاردىڭ جاي-كۇيى مەن ولاردى تەرەڭدەتۋ پەرسپەكتيۆالارىن تالقىلادى.
«رۋمىنيا پرەمەر-ءمينيسترىنىڭ مەملەكەتتىك كەڭەسشىسى قازاقستان ەكىجاقتى فورماتتا دا, ەو-قازاقستان باعىتى بويىنشا دا رۋمىنيانىڭ ورتالىق ازياداعى نەگىزگى سەرىكتەسى ەكەنىن اتاپ ءوتتى. بۇل رەتتە مەملەكەتتىك كەڭەسشى پرەمەر-مينيستر كەڭسەسى ەلشىلىكتىڭ باستامالارىن قولدايتىنىن جانە ەكى جاققا دا ءتيىمدى, اسىرەسە ساۋدا-ەكونوميكالىق سالاداعى جوبالاردى جانداندىرۋعا كومەكتەسۋگە دايىن ەكەنىن جەتكىزدى», دەپ جازىلعان قازاقستاننىڭ سىرتقى ىستەر مينيسترلىگى تاراتقان حابارلامادا.
سونداي-اق ولار مادەني شارالاردىڭ جۇزەگە اسىرىلۋىن, اتاپ ايتقاندا, رۋمىنيادا قازاقتىڭ ۇلى كومپوزيتورى قۇرمانعازىنىڭ جانە قازاقستاندا رۋمىننىڭ ۇلى كومپوزيتورى دجوردج ەنەسكۋ بيۋستىلەرىنىڭ اشىلۋىن تالقىلادى.