سقو تج دەپارتامەنتىندە ەر ادامدى ورتتەن قۇتقارعان ماريا سيمونوۆا «ورتتە كورسەتكەن قايسارلىعى ءۇشىن» مەدالىمەن ماراپاتتالدى, دەپ حابارلايدى Egemen.kz سقو تجد ءباسپاسوز قىزمەتىنە سىلتەمە جاساپ.
زالدا قاتىسىپ وتىرعان دەپارتامەنت قىزمەتكەرلەرىنىڭ, ازاماتتىق قورعاۋ ورگاندارى ارداگەرلەرىنىڭ جانە باق وكىلدەرىنىڭ الدىندا باستىقتىڭ ۋاقىتشا مىندەتىن اتقارۋشى, ازاماتتىق قورعاۋ پولكوۆنيگى دميتري راستيحين ءسوز سويلەدى. ول بۇل وقيعانىڭ ماڭىزدىلىعىن اتاپ ءوتىپ, جاستاردى قازاقستاندىق قوعامنىڭ ۇزدىك داستۇرلەرىنە – جاۋاپتىلىققا, جاناشىرلىققا, قيىن ساتتە كورشىسىنە كومەكتەسۋگە دەگەن ۇمتىلىسقا تاربيەلەۋدەگى ماڭىزدىلىعىن اتاپ ءوتتى. دميتري يۆانوۆيچ ءبىر اي بۇرىن ماريانىڭ جەرلەسى, وتكەن جىلدىڭ قاراشا ايىندا بولعان ورتتە 71 جاستاعى ەر ادامنىڭ ءومىرىن ساقتاپ قالعان كاسىپقوي بوكسشى ەۆگەني پاۆلوۆ وسىنداي جاعدايدا مەدالمەن ماراپاتتالعانىنا نازار اۋداردى.
«ماريا دا, ەۆگەني دە ءار جىلدارى № 42 ورتا مەكتەپتى بىتىرگەن, ولاردى ازاماتتىق قۇتقارۋشىلاردىڭ «كادرلار ۇستاسى» دەپ اتاۋعا بولادى. مەنىڭ ويىمشا, ماريا بارىمىزگە ازاماتتىق باتىلدىقتىڭ ۇلگىسىن كورسەتتى, بىرەۋدىڭ قايعىسىنا بەي-جاي قاراماي, سمارتفون كامەراسىنا بولعان وقيعانى ءتۇسىرىپ, ءورت ورنىنان كەتىپ قالماي, تۇتىنمەن جابىلعان ۇيگە باتىل كىرىپ, ادامدى قۇتقاردى», دەدى ول.
ءوز كەزەگىندە ماريا قازاقستان رەسپۋبليكاسى تجم, دەپارتامەنت باسشىلىعىنا ناگرادا ءۇشىن العىسىن ءبىلدىرىپ, بولاشاقتا دا وسىلاي جاسايتىنىن اتاپ ءوتتى.
«ادامداردىڭ ومىرىنە قاۋىپ ءتونىپ تۇردى. مەن باسقاشا ارەكەت ەتە المادىم», دەدى ول.
ەسكە سالا كەتەيىك, 1 قاڭتاردا كەشكە ماريا سيمونوۆا پەتروپاۆل قالاسىنىڭ رابوچي كەنتىندە ك.تسەتكين كوشەسى, 90 «ا» مەكەنجايىندا بولعان ءورتتىڭ كۋاسى بولعان. قالىڭ ءتۇتىندى كورىپ, ول ءورت ورنىنا ءبىرىنشى بولىپ جۇگىرگەن. ءۇيدىڭ ەسىگىن اشقان قىز ءتورت اياعىمەن جورعالاپ شىعۋعا قاراي بەتتەگەن ادامدى كورگەن. ماريا وعان ءتۇتىندى ۇيدەن شىعۋعا كومەكتەسىپ, كەيىن دەرەۋ ءورت سوندىرۋشىلەردى شاقىرعان. 32 جاستاعى ەر ادام باس قولىنىڭ شامالى كۇيىكتەرىن العانىمەن, اۋرۋحاناعا جاتقىزۋدىڭ قاجەتى بولماعان. ماريا اتا-اناسىمەن بىرگە سول كوشەدە ءورت بولعان جەرگە جاقىن جەردە تۇرادى. قالالىق تەحنيكالىق كوللەدجىنىڭ 4 كۋرس ستۋدەنتى, تەحنيك-مەحانيك ماماندىعى بويىنشا وقيدى. سپورتپەن شۇعىلدانادى, ەرىكتىلەر اكتسيالارىنا بىرنەشە رەت قاتىسقان. مەكتەپتى بىتىرگەننەن كەيىن ول كاسىبي-پەداگوگيكالىق كوللەدجگە «قۇتقارۋشى» ماماندىعىنا ءتۇسۋدى جوسپارلاعان, بىراق دەنساۋلىعىنا بايلانىستى جولى بولماعان.