الماتى – وسكەمەن تاسجولىندا جول-كولىك وقيعاسى بولدى. جول اپاتى سالدارىنان 2 ادام كوز جۇمدى, دەپ حابارلايدى Egemen.kz Polisia.kz-كە سىلتەمە جاساپ.
جول-كولىك وقيعاسى 11 قاڭتاردا سارقان اۋدانىندا ورىن الدى. انىقتالعانداي, وقيعا ورنىندا ەكى ادام كوز جۇمدى. جول-كولىك وقيعاسى فاكتىسى بويىنشا سوتقا دەيىنگى تەرگەۋ امالدارى باستالدى.
«الماتى – وسكەمەن اۆتوجولىنىڭ 448 شاقىرىمىندا جول-كولىك وقيعاسى بولدى. Hyundai Accent كولىگىنىڭ 50 جاستاعى جۇرگىزۋشىسى رولگە يە بولا الماي, قارسى كەلە جاتقان كاماز كولىگىمەن سوقتىعىستى. وقيعا ورنىندا جەڭىل اۆتوكولىكتىڭ جۇرگىزۋشىسى مەن 34 جاستاعى جولاۋشى ايەل قازا تاپتى», دەپ حابارلادى وبلىستىق پد پپب 5-ۆزۆودىنىڭ كومانديرى اسحات امىرحامزاەۆ.