ماجىلىستە قاڭتارداعى تارتىپسىزدىك كەزىندە تابىلعان قارۋ-جاراقتار كورمەسى ۇيىمداستىرىلدى, دەپ حابارلايدى Egemen.kz.
كورمەگە قاڭتار وقيعاسىنا قاتىسۋشىلاردان تاركىلەنگەن 172 بىرلىك ءتۇرلى قارۋ-جاراق ارنايى اكەلىندى.
«قازىر ءتارتىپ ساقشىلارى 4 مىڭنان استام قارۋدى تاپتى. ولاردىڭ باسىم بولىگى جەدەل-ىزدەستىرۋ شارالارى بارىسىندا تابىلدى. پوليتسيا قىزمەتكەرلەرى 200-دەن استام قويمانى زالالسىزداندىردى. ۇرلانعان قارۋدىڭ باسىم بولىگى تاراز بەن تالدىقورعان قالالارىنان تابىلعان. ازاماتتىق قارۋدىڭ باسىم بولىگى تابىلدى. وكىنىشكە قاراي, 1900-گە جۋىق قىزمەتتىك جانە ازاماتتىق قارۋ ءالى تابىلعان جوق», دەدى جۋرناليستەرگە قر ءىىم تەرگەۋ باسقارماسىنىڭ باستىعى سانجار ءادىلوۆ.
قاڭتار وقيعاسى كەزىندە ىشكى ىستەر ورگاندارىنىڭ ءۇش مىڭنان استام قىزمەتكەرى ءارتۇرلى دەنە جاراقاتتارىن الدى, 58 ءتارتىپ ساقشىسى اۋىر جاراقات الدى, 111 قىزمەتكەر پىشاق جاراقاتىن العان ەدى.