الماتىدا قالىڭ قار جاۋدى

«تاڭعى ساعات 08:00-گە دەيىن تاۋلى ايماقتاردا 15-18, قالادا 10, ال شىمبۇلاقتا قار قالىڭدىعى 60 سم-گە جەتتى. سينوپتيكتەردىڭ ەسكەرتۋىمەن قار جاۋا باستاعانعا دەيىن قالانىڭ بارلىق اۋداندارىندا قۇمشاشقىش ماشينالاردىڭ كەزەكشىلىگى ۇيىمداستىرىلدى. كوشەلەرگە كوكتايعاققا قارسى ماتەريالدار سەبىلىپ جاتىر, 2274 توننا ماتەريال پايدالانىلدى», دەلىنگەن حابارلامادا.

تروتۋارلاردى, قوعامدىق كولىك ايالدامالارىن, جاياۋ جۇرگىنشىلەر جولىن, كولىك تۇراقتارى مەن قوعامدىق ورىنداردى تازالاۋ جۇمىستارى جۇرگىزىلىپ جاتىر. تاڭعى 06:00-دەن باستاپ پاترۋلدىك پوليتسيانىڭ كومەگىمەن قار تازالاۋشى كولىكتەردەن 17 كولوننا ىسكە كىرىستى. 32 قار تاسىمالداۋشى كولىك پەن 70 ساموسۆالدىڭ كومەگىمەن قار شىعارىلدى.

تۇنگى ۋاقىتتا 516 ارنايى تەحنيكا, ونىڭ ىشىندە 152 قۇمشاشقىش, 204 تازالاۋشى تەحنيكا مەن 367 جۇمىسشى تازالاۋ جۇمىستارىن جۇرگىزدى. تاڭنان بەرى قالا كوشەلەرىندە 524 ارنايى تەحنيكامەن 1240 جۇمىسشى قىزمەت ەتىپ جاتىر.

اۋداندىق اكىمدىكتەر مەن مەردىگەر ۇيىمداردا جۇمىستاردى جۇرگىزۋ بويىنشا تاۋلىك بويى كەزەكشىلىك ۇيىمداستىرىلدى.

«قازگيدرومەت» رمك بولجامىنا سايكەس 4 قاڭتار كۇنى كۇندىز قالادا اۋا تەمپەراتۋراسى -2..-4°س قۇرايدى, قار جاۋىپ, 2-7 م/س جىلدامدىقتاعى جەل تۇرادى.