برازيليا پرەزيدەنتى بولسونارو فۋتبولشى پەلەنىڭ قايتىس بولۋىنا بايلانىستى 29-31 جەلتوقسان ارالىعىن قارالى كۇن دەپ جاريالاۋ تۋرالى جارلىققا قول قويدى, دەپ حابارلايدى Egemen.kz.
جارلىق ەل ۇكىمەتىنىڭ سايتىندا جاريالانعان.
«فۋتبولشى پەلە ەدسون ارانتەس دۋ ناسيمەنتونىڭ قايتىس بولۋىنا بايلانىستى قايعىنىڭ بەلگىسى رەتىندە وسى جارلىق جاريالانعان كۇننەن باستاپ بۇكىل ەلدە ءۇش كۇندىك رەسمي ازا تۇتۋ جاريالاندى», دەلىنگەن جارلىقتا.
ءۇش دۇركىن الەم چەمپيونى 29 جەلتوقساندا 82 جاسىندا قايتىس بولدى. پەلەمەن قوشتاسۋ ءراسىمى فۋتبولشى ءوزى ويناعان «سانتوس» فۋتبول كلۋبىنىڭ ستاديونىندا وتەدى. فۋتبول اڭىزى گيننەستىڭ رەكوردتار كىتابىنا ەنگەن تىك زيراتقا جەرلەنەدى.