مەملەكەت باسشىسى قاسىم-جومارت توقاەۆ شاحماتتان الەم چەمپيوناتىندا تابىستى ونەر كورسەتىپ, كۇمىس مەدال يەلەنگەن دينارا سادۋاقاسوۆانى قۇتتىقتادى, دەپ حابارلايدى Egemen.kz اقورداعا سىلتەمە جاساپ.
قاسىم-جومارت توقاەۆ بۇگىندە قازاقستان شاحمات مەكتەبىنىڭ دەڭگەيى جوعارى ەكەنىن اتاپ ءوتتى. پرەزيدەنتتىڭ ايتۋىنشا, سپورتشىلارىمىزدىڭ حالىقارالىق تۋرنيرلەردەگى ءاربىر جەڭىسى وسى سپورت تۇرىمەن اينالىساتىن جاستاردى قاناتتاندىرادى.
مەملەكەت باسشىسى دارىندى شاحماتشىعا تالماي ەڭبەك ەتىپ, جەڭىستەن جەڭىسكە جەتە بەرۋىنە تىلەكتەستىك ءبىلدىردى.
سونىمەن قاتار پرەزيدەنت الماتىدا ءوتىپ جاتقان وسى الەمدىك سايىستا جوعارى ناتيجە كورسەتكەن جانسايا ابدىمالىككە دە ىزگى تىلەگىن جولدادى.