استانادا «مەديتسينالىق ءتۋريزمدى» دامىتۋ بويىنشا حالىقارالىق كەزدەسۋ ءوتتى

ءىس-شارا ءۇندىستان مەن قازاقستانداعى اۋرۋحانالار, قوناقجايلىلىق جانە ساقتاندىرۋ يندۋستريالارى اراسىنداعى ىنتىماقتاستىقتى دامىتۋعا, ەكى ەل اراسىنداعى مەديتسينالىق تۋريستەر اعىنىن ارتتىرۋعا, قىزمەت كورسەتۋ ساپاسىن جاقسارتۋ ماقساتىندا اتالعان سالالارعا ينۆەستيتسيالار تارتۋعا جانە وسى سالالارداعى كەدەرگىلەردى ەڭسەرۋ ءۇشىن شەشىم ىزدەۋگە باعىتتالعان. 

ء«ۇندىستاننىڭ قازاقستانداعى ەلشىسى شۋبحدارشيني تريپاتي حانىم ءوزىنىڭ قۇتتىقتاۋ سوزىندە ءۇندىستاننىڭ دەنساۋلىق ساقتاۋ يندۋسترياسى ينفراقۇرىلىم, تەحنولوگيا, مامان دارىگەرلەر مەن مەدبيكەلەر تۇرعىسىنان الەمدەگى ۇزدىكتەرمەن باسەكەلەسەتىنىن اتاپ ءوتتى. ءۇندىستاننىڭ جوعارى مامانداندىرىلعان ورگانداردى ترانسپلانتاتسيالاۋ, كارديولوگيا, ونكولوگيا جانە ت. ب. سالالارداعى تاجىريبەسى ءۇندىستاندى مەديتسينالىق قۇندىلىعى بار ساياحاتتىڭ جاڭا مەكەنىنە اينالدىردى. گۋمانيتارلىق كومەك رەتىندە ءۇندىستان ءوزىنىڭ وتاندىق ۆاكتسيناسىن «مايتري ۆاكتسيناسى» باستاماسى اياسىندا 100-دەن استام ەلگە تاراتتى», دەپ اتاپ ءوتتى شۋبحدارشيني تريپاتي حانىم. 

قازاقستان تاراپىنان قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى ازامات دۇيسەنوۆ مىرزا قۇتتىقتاۋ ءسوز سويلەدى. ول مەديتسينالىق ءتۋريزمدى ودان ءارى دامىتۋ جانە ىلگەرىلەتۋ ماقساتىندا قر دەنساۋلىق ساقتاۋ مينيسترلىگىمەن وتكەن جىلى مەديتسينالىق ءتۋريزمدى دامىتۋ جونىندەگى ءىس-شارالار جوسپارى بەكىتىلگەنى تۋرالى حابارلادى. وندا قازاقستانعا مەديتسينالىق تۋريزم بويىنشا ۇيىمداستىرۋشىلىق جانە اقپاراتتىق-ءتۇسىندىرۋ جۇمىستارىن جۇرگىزۋ جانە شەت ەلدەردە تالاپ ەتىلەتىن قىزمەتتەردى (مەديتسينالىق, سەرۆيستىك) كەڭەيتۋدى قوسا العاندا, دەنساۋلىق ساقتاۋ ۇيىمدارىنىڭ الەۋەتىن ارتتىرۋ سياقتى باعىتتار كىردى.  

ءوز كەزەگىندە ءۇندىستاننىڭ دەنساۋلىق ساقتاۋ جانە وتباسىلىق ءال-اۋقات مينيستىرلىگىنىڭ دەپارتامەنت ديرەكتورى لاۆ اگارۆال مىرزا نەگىزگى سوزىندە ءۇندىستاننىڭ دەنساۋلىق ساقتاۋ مينيسترلىگى Medical Value Travel (MVT) باستاماسىن ىسكە اسىرىپ جاتقاتى تۋرادى ايتتى. اتالعان ءىس-شارا شەڭبەرىندە ۇندىستانعا ەمدەلۋگە ۇشاتىن شەتەلدىك پاتسيەنتتەرگە سەنىمدى ەكوجۇيە قۇرىلىپ, سونىڭ ينتەگراتسيالانعان جاقىن ارادا قوسىلاتىن ۆەب-پورتال جانە «ۇندىستانداعى ەمدەۋ» دەپ اتالاتىن ءموبيلدى قوسىمشا ارقىلى قولداۋ كورسەتىلەدى دەپ كۇتىلۋدە. ونىڭ سوزىنشە,  اعىلشىن ءتىلىن جەتىك بىلەتىن جوعارى بىلىكتى جانە تاجىريبەلى مەديتسينالىق قىزمەتكەرلەرمەن جابدىقتالعان ءۇندىستاندا 1,3 ميلليون اللوپاتيالىق دارىگەر, 800 000 ءداستۇرلى مەديتسينا دارىگەرى جانە 3,4 ميلليوننان استام مەدبيكە بار. ءسوز بارىسىندا ول دامىعان ەلدەردى قوسا العاندا, كوپتەگەن باسقا ەلدەردە 40 000 اقش دوللاردان 60 000 اقش دوللارعا دەيىن تۇراتىن كارديولوگيالىق پروتسەدۋرانىڭ قۇنى ءۇندىستاندا نەبارى 3 000 اقش دوللاردان 6 000 اقش دوللارعا دەيىن تۇراتىنى ەكەنىن مىسالعا كەلتىردى. 

سونداي-اق ءىس-شارانىڭ ءبىرىنشى ءبولىمى بارىسىندا  احقو Business Connect حالىقارالىق بيزنەس جانە ىنتىماقتاستىق ءبولىمىنىڭ باسشىسى تيمۋر سەمبينوۆ ءۇندىستان دەلەگاتسياسىنا پرەزەنتاتسيا جاسادى. ول قاتىسۋشىلاردى احقو قىزمەتىمەن جانە ونىڭ قاتىسۋشىلارى ءۇشىن نەگىزگى پرەفەرەنتسيالارىمەن تانىستىردى. 

ءبىرىنشى سەسسيا كەزىندە ءۇندىستاننىڭ دەنساۋلىق ساقتاۋ مينيسترلىگى Medical Value ساندىق پورتالىنىڭ دەمونستراتسياسىن وتكىزدى. 

ءىس-شارانىڭ ەكىنشى ءبولىمى مەديتسينالىق سەكتوردىڭ جەتەكشى كومپانيالارىنىڭ باسشىلارى ۇندىستانداعى مەديتسينالىق كومەكتىڭ ارتىقشىلىقتارىن ايقىندايتىن تاقىرىپتىق پرەزەنتاتسيالارعا ارنالدى. Apollo Hospitals Group ديرەكتورى دوكتور انۋپام سيبال قازاقستانمەن ىنتىماقتاستىقتىڭ مۇمكىندىكتەرى مەن پەرسپەكتيۆالارى جانە مەديتسينالىق ءتۋريزمنىڭ ىقتيمال ۇلگىلەرى تۋرالى ايتىپ بەردى.

ەكىنشى تاقىرىپتىق پرەزەنتاتسيانى Sri Sri Tattva باسقارۋشى ديرەكتورى ارۆيند ۆارچاسۆي مىرزا وتكىزدى. ول ءوز ءسوزىن ساۋىقتىرۋ تۋريزمىنە جانە ايۋش مەديتسينا جۇيەسىنە ارنادى. 

ءۇندى تاراپىنان ءىس-شاراعا ينۆەستيتسيالاردى تارتۋ جونىندەگى ۇلتتىق اگەنتتىگى (Invest India), ءۇندى ساۋدا-ونەركاسىپ پالاتالارىنىڭ فەدەراتسياسى, سونداي-اق Apollo hospitals, Artemis Hospitals, Shinon Healthcare, Magnus Medi, SimplifyMVT, Medanta Hospital, Medijourn solutions جانە ت.ب. سياقتى جەتەكشى مەديتسينالىق كومپانيالار ونلاين-فورماتتا قاتىستى.