استانادا ءبىرىنشى ورتالىق ازيا مەديا فورۋمى وتۋدە. بىرەگەي ىنتىماقتاستىق الاڭىنا اينالعان فورۋم ورتالىق ازيا ەلدەرى ءۇشىن بىرىڭعاي مەديا كەڭىستىگىن قۇرۋدى كوزدەيدى, دەپ حابارلايدى Egemen.kz.
مەديا فورۋمعا 100-دەن اسا سپيكەر قاتىسادى. بۇل الەمگە ايگىلى پۋليتتسەر سىيلىعىنىڭ يەگەرلەرى, الەمدىك ساياساتكەرلەر, حالىقارالىق جانە جەرگىلىكتى جۋرناليستەر, ىقپال ەتۋشىلەر, حالىقارالىق ۇيىمداردىڭ جەتەكشىلەرى جانە بەدەلدى مەديا ساراپشىلار.
ەكى كۇنگە سوزىلعان ءبىرىنشى ورتالىق ازيا مەديا فورۋمىنىڭ قاتىسۋشىلارى وڭىرلىك بىرەگەيلىك, جاڭا مەديانى دامىتۋ, جاساندى ينتەللەكت تەحنولوگيالارىن مەديادا قولدانۋ, ورتالىق ازياداعى كرەاتيۆتى يندۋستريانىڭ دامۋى, پوست-شىندىق كەزەڭىندەگى اقپاراتتىق قاۋىپسىزدىك, مەديا سالاسىنداعى ءبىلىم بەرۋ ترانفورماتسياسى, ءوزارا ىنتىماقتاستىقتاعى حالىقارالىق ۇيىمداردىڭ ورنى, ازاماتتىق قوعامدى دامىتۋداعى گەندەرلىك تەڭدىكتىڭ ءرولى, وڭىرلىك جانە جاھاندىق كووپەراتسيا مۇمكىندىكتەرى سياقتى كوكەيكەستى ماسەلەلەردى ءسوز ەتپەك.
فورۋمنىڭ پانەلدىك سەسسياسىندا تۇركيا مەن موڭعوليانىڭ بۇرىنعى پرەزيدەنتتەرى ابدوللا گۇل, نامبارىن ەنحبايار ويلارىن ورتاعا سالادى.
تانىمال ءانشى ديماش قۇدايبەرگەن بۇۇ رەزوليۋتسياسى بەكىتكەن 21 قىركۇيەكتەگى «حالىقارالىق بەيبىتشىلىك كۇنىنىڭ» جانە الەمدىك «Peace one day» جوباسىنىڭ اۆتورى دجەرەمي گيلليمەن بىرگە بەيبىتشىلىك يدەياسى بويىنشا ارنايى سەسسيا وتكىزەدى.
فورۋمنىڭ باسلاينەرلەرى - گولليۆۋد اكتەرى جانە اتى اڭىزعا اينالعان بوكسشى روي دجونس, New York Times گازەتىنىڭ ءتورت دۇركىن بەستسەللەر اۆتورى ليز ۋەلش.