بۇگىندە افريكاداعى حالىقتىڭ بەستەن ءبىر بولىگى اشتىقتان زارداپ شەگىپ وتىر. وسىعان وراي بيىلعى جىلدى ازىق-ت ۇلىك قاۋىپسىزدىگى جونىندەگى يسلام ۇيىمى (Islamic Organization for Food Security – IOFS) «افريكا جىلى» دەپ جاريالاپ, جىل بويى افريكا حالقىنا كومەكتەسىپ كەلەدى. ارينە, ۇيىمنىڭ قىزمەتى مۇنىمەن اياقتالماق ەمەس. ەلورداعا جينالعان 20-دان استام ەلدىڭ ديپلوماتتارى مەن ساراپشىلارى «افريكا جىلىن» قورىتىندىلاپ, الداعى كومەك بەرۋ ماسەلەسىن تالقىلادى.
IOFS جىل بويى افريكا اۋىلشارۋاشىلىق سەكتورىن دامىتۋ جونىندەگى ستراتەگيالىق باعدارلاماسى اياسىندا جۇمىس ىستەدى. ۇيىمنىڭ افريكا ەلدەرىنىڭ ۇكىمەتتەرىمەن جانە وزگە دە سەرىكتەستەرىمەن بىرىگىپ اتقارعان قىزمەتى ناتيجەلى بولدى. بۇل تۋرالى فورۋمعا قاتىسقان ۇيىم وكىلدەرى ايتتى.
IOFS ۇيىمىنىڭ مالىمەتى بويىنشا 2014 جىلدان بەرى افريكادا اشتىقتان قينالعاندار سانى 47,9 ملن ادامعا ءوسىپ, قازىر 250,3 ملن-عا جەتكەن.
– ءبىز «افريكا جىلىن» جاريالاعان سوڭ, افريكانىڭ ازىق-ت ۇلىك قاۋىپسىزدىگى باستاماسىن (Africa Food Security Initiative – AFSI) جۇزەگە اسىردىق. بۇل جۇمىس ارى قاراي جالعاسادى. وسى ورايدا, بارلىق مۇشە مەملەكەتتەردى جانە حالىقارالىق ۇيىمداردى الداعى ۋاقىتتا دا سەرىكتەس بولۋعا شاقىرامىز. ءبىز بىرىكسەك, بۇدان دا اسقان تابىسقا جەتەمىز دەپ ۇمىتتەنەمىن, سىزدەردىڭ قولداۋلارىڭىز ماڭىزدى, – دەدى IOFS باس ديرەكتورى ەرلان بايداۋلەت.
فورۋمعا قاتىسۋشىلار يسلام الەمى ەلدەرىندەگى ازىق-ت ۇلىك قاۋىپسىزدىگى باعدارلامالارىن ۇيلەستىرەتىن نەگىزگى الاڭ رەتىندەگى IOFS پوزيتسياسىن اتاپ ءوتتى. ولاردىڭ ايتۋىنشا, جاس ۇيىمنىڭ الەۋەتى زور جانە الەمدەگى ازىق-ت ۇلىك داعدارىسى ءوسىپ كەلە جاتقان جاھاندىق سىن-قاتەرلەرىنە دەر كەزىندە جاۋاپ بەرەدى. اقيۇ اتقارۋشى كەڭەسىنىڭ توراعاسى ماسۋد دجاراللاح ءال مارري, ۇيىمنىڭ نەگىزگى جۇمىسىنا توقتالدى.
– يسلام ازىق-ت ۇلىك قاۋىپسىزدىگى ۇيىمى ساراپتاما جانە تەحنيكالىق ءبىلىم بەرۋ, ازىق-ت ۇلىك قاۋىپسىزدىگى جاعدايىن باعالاۋ جانە باقىلاۋ, گۋمانيتارلىق كومەك كورسەتۋ ارقىلى يسلام ەلدەرىندەگى ازىق-ت ۇلىك قاۋىپسىزدىگى ماسەلەلەرى بويىنشا تىندىرىمدى جۇمىس اتقارىپ كەلەدى. سونىمەن قاتار شولەيتتى جەرلەردى قالپىنا كەلتىرۋ, ورمانداردى كەسۋ, جەر ەروزياسى جانە تۇزدانۋى سەكىلدى ماسەلەلەردى شەشۋگە دە اتسالىسادى. وسى ورايدا, ازىق-ت ۇلىك قاۋىپسىزدىگى جونىندەگى يسلام ۇيىمى بارلىق مۇشە-مەملەكەتتەردى ۇيىممەن ىنتىماقتاستىقتى نىعايتۋعا جانە الەمدەگى ازىق-ت ۇلىك قاۋىپسىزدىگى جۇيەسىن قۇرۋعا شاقىرادى. سونىڭ ىشىندە ۇيىمنىڭ باعدارلامالارى مەن قىزمەتىن حالىققا ءتۇسىندىرۋ, ازىق-ت ۇلىك قاۋىپسىزدىگى ماسەلەلەرىنە قاتىستى ماسەلەلەردى شەشۋ ءۇشىن مۇشە مەملەكەتتەر اراسىنداعى ىنتىماقتاستىق پەن تۇسىنىستىكتى ارتتىرۋعا ۇمتىلىس جاساۋ قاجەت, – دەدى ول.
پرەزيدەنت ق.توقاەۆتىڭ جاھاندىق دەڭگەيدە دە, وڭىرلىك دەڭگەيدە دە ازىق-ت ۇلىك قاۋىپسىزدىگىن قامتاماسىز ەتۋگە ەرەكشە كوڭىل ءبولىپ وتىرعانىن ايتا كەتكەن ءجون. بۇۇ باس اسسامبلەياسىنىڭ 77-سەسسياسىندا قاسىم-جومارت توقاەۆ IOFS ارقىلى اۋقىمدى حالىقارالىق گۋمانيتارلىق اكتسيالار ءۇشىن ازىق-ت ۇلىك قورلارىن جيناقتاۋعا دۇنيەجۇزىلىك كومەك كورسەتۋ ماقساتىندا «ازىق-ت ۇلىك قاۋىپسىزدىگى جونىندەگى يسلام ۇيىمىمەن (IOFS), سونداي-اق بۇۇ اگەنتتىكتەرىمەن ىنتىماقتاستىقتى نىعايتۋ نيەتىن» جاريالاعان بولاتىن.
اوسشك سامميتىندە دە مەملەكەت باسشىسى: ء«بىز ماڭىزدى ونىمدەردىڭ ۇلتتىق ستاندارتتارعا سايكەستىگىن باعالاۋدىڭ بىرىڭعاي ءتاسىلىن ازىرلەۋىمىز كەرەك, سونداي-اق تاۋارلاردىڭ وسى ساناتى ءۇشىن اوسشك-كە مۇشە مەملەكەتتەر اراسىندا «جاسىل» دالىزدەر قۇرۋىمىز كەرەك», دەپ شتاب-پاتەرى استانادا ورنالاسقان ازىق-ت ۇلىك قاۋىپسىزدىگى جونىندەگى يسلام ۇيىمىمەن ىنتىماقتاستىقتى جولعا قويۋ اوسشك ءۇشىن پەرسپەكتيۆالى باعىت ەكەنىن اتاپ وتكەن ەدى.
– تۇراقتى ازىق-ت ۇلىكپەن قامتاماسىز ەتۋ جىل وتكەن سايىن وزەكتى بولىپ بارادى, ول مەملەكەتارالىق ىنتىماقتاستىقتىڭ باسىم باعىتىنا اينالدى. ءتيىمدى مەملەكەتارالىق ىنتىماقتاستىقتى قۇرۋدا حالىقارالىق ۇيىمدارعا ەرەكشە ءرول جۇكتەلەدى. سوندىقتان IOFS سياقتى ۇيىمنىڭ نەگىزگى ءرولى – كەلىسىلگەن ءىس-ارەكەتتەردى جۇزەگە اسىرۋ ماقساتىندا IOFS جانە OIC-كە مۇشە ەلدەردىڭ كۇش-جىگەرىن بىرىكتىرىپ وتىر. ەڭ باستىسى, ءبىزدىڭ وڭىردەگى ازىق-ت ۇلىك قاۋىپسىزدىگى جانە اشتىققا قارسى كۇرەس ماسەلەلەرى بويىنشا تۇراقتى جانە ۇزاق مەرزىمدى شارالار قابىلدانىپ جاتىر, – دەدى اۋىل شارۋاشىلىعى ءمينيسترىنىڭ ورىنباسارى ابىلقايىر تامابەك فورۋم بارىسىندا.
افريكا قۇرلىعىنا وسى قيىن-قىستاۋ كەزەڭدە ازىق-ت ۇلىك قاۋىپسىزدىگى مەن اۋىل شارۋاشىلىعىن دامىتۋعا كومەكتەسۋ, كومەككە مۇقتاج افريكا حالقىنا قولداۋ ءبىلدىرۋ ازىق-ت ۇلىك قاۋىپسىزدىگى جونىندەگى يسلام ۇيىمىنىڭ نەگىزگى ۇستانىمى. ول ەلدىڭ تۇرعىندارىن ازىق-ت ۇلىكپەن قامتاماسىز ەتىپ, قول ۇشىن سوزۋدى الداعى ۋاقىتتا دا جالعاستىرادى.