جەلتوقسان ايىنىڭ باسىنان بەرى استانادا كوروناۆيرۋس ينفەكتسياسىنىڭ 322 جاعدايى تىركەلدى, دەپ حابارلايدى Egemen.kz.
ناۋقاستاردىڭ 167-ءسى ەگىلگەن, ونىڭ ىشىندە 117 ادام ەكىنشى كومپونەنتتى العان. 50 ادام رەۆاكتسيناتسيالانعان.
«قازاقستان ءۇشىن جاڭا سۋبگەنەتيكالىق BQ.1.1 جەلىسى, «وميكرون» شتاممىنىڭ «Cerberus» بەيرەسمي اتاۋى اشىلدى. اۋرۋ كورسەتكىشى ءوسۋ ۇردىسىمەن بايقالادى. ەستەرىڭىزگە سالا كەتەيىك, «تسەربەر» شتامى الدىڭعى نۇسقالاردىڭ ءبىرى – وميكروننىڭ تارماعىنا جاتادى», دەدى ءباسپاسوز ءماسليحاتىندا ەلوردالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى جاننا پراليەۆا.
ماماندار جاڭا شتامم وتە جۇقپالى ەكەنىن اتاپ ءوتتى. جاڭا كوۆيد مۋتاتسياسىنىڭ بەلگىلەرى جرۆي بەلگىلەرىمەن بىردەي: جوعارى قىزبا, بۋىنداردىڭ اۋىرۋى جانە السىزدىك. بۇل رەتتە ماماندار «تسەربەر» ادام ومىرىنە ەرەكشە قاۋىپ توندىرمەيتىنىن ايتادى.