الماتىنىڭ پاترۋلدىك پوليتسيا قىزمەتكەرلەرى كىسى ولىمىنە قاتىستى قىلمىستى اشتى, دەپ حابارلايدى Egemen.kz Polisia.kz-كە سىلتەمە جاساپ.
«بۋران-292» پاترۋلدىك ەكيپاجى كىسى ءولتىرۋشىنى ۇستادى.
تۇركسىب اۋداندىق پوليتسيا باسقارماسىنا ادامنىڭ جوعالعانى تۋرالى ارىز تۇسكەن. تۋىستارىنىڭ ايتۋىنشا, ەر ادام دوسىنا كەتىپ, قايتىپ ورالماعان.
سىرتقى قىزمەتتەردىڭ جەكە قۇرامى اراسىندا ىزدەۋدە جۇرگەن ادامنىڭ بەلگىلەرى بار باعدار دەرەۋ تاراتىلدى. پاترۋلدىك پوليتسيا قىزمەتكەرلەرى ۇيلەردىڭ ءبىرىنىڭ اۋلاسىندا توپىراق پەن جاپىراق باسقان شاعىن شۇڭقىردان زورلىقپەن ولتىرىلگەن ادامنىڭ دەنەسى تابىلدى.
«قىلمىس ورنىندا ينسپەكتورلار سول ۇيدە تۇراتىن كۇدىكتىنى ۇستادى. كۇدىكتى مارقۇممەن بىرگە ىشىمدىك ىشكەن. ەر ادامدار اراسىندا جانجال تۋىنداپ, كەيىن توبەلەسكە ۇلاسقان», دەدى الماتى قالالىق پد جپقب پاترۋلدىك پوليتسيا پولكىنىڭ كومانديرى باۋىرجان حانتەمىروۆ.