«قازاقستان پرەزيدەنتى قاسىم-جومارت توقاەۆ كونستيتۋتسيالىق جانە دەموكراتيالىق رەفورمالار باعدارلاماسى اياسىندا كەزەكتەن تىس پرەزيدەنتتىك سايلاۋدى تاعايىنداعاننان كەيىن تولىق جەڭىسكە جەتۋگە بەت الدى», دەگەن پىكىر ءبىلدىردى ساياسي شولۋشى نيك پاۋەلل.
پرەزيدەنت حالىقتىق كواليتسيانىڭ كانديداتى رەتىندە سايلاۋعا ءتۇستى جانە ورتالىق سايلاۋ كوميسسياسى بەكىتەتىن جاڭا كونستيتۋتسياعا سايكەس ءبىر رەتتىك جەتى جىلدىق مەرزىمگە سايلانادى. بۇل – ەلدى سۋپەرپرەزيدەنتتىك جۇيەدەن پرەزيدەنتتىك-پارلامەنتتىك جۇيەگە كوشىرەتىن قادام. وسى جىلدىڭ باسىندا ول «پرەزيدەنت پارتيالىق ساياساتتان جوعارى تۇرۋى كەرەك» دەپ, بيلىكتەگى «Amanat» پارتياسىنان شىقتى. سونداي-اق ساياسي پارتيالاردى قۇرۋدى جەڭىلدەتۋ ءۇشىن رەفورمالار ەنگىزدى. كەلەسى جىلى قازىرگىدەن كۇشتىرەك پارلامەنت سايلانادى.