ورالدان ۇشقان FlyArystan ۇشاعى الماتىعا 18 قاراشا كۇنى ساعات 06.15-تە جەتۋى كەرەك بولعان. بىراق بورت ىشىندەگى ءبىر جولاۋشى ءوزىن جايسىز سەزىنگەندىكتەن, ۇشاق شۇعىل تۇردە اقتوبەگە قوندى, دەپ حابارلايدى Egemen.ءkz ىىم كولىكتەگى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
بەلگىلى بولعانداي, ورالدان الماتىعا بەت العان ۇشاق 18 قاراشا كۇنى ساعات 05.20-دا اقتوبە قالاسىنداعى اۋەجايعا قونعان.
«اقتوبەگە قونۋىنىڭ سەبەبى – 1963 جىلى تۋعان ەر ادامنىڭ دەنساۋلىعى ناشارلادى. ول اقتوبە قالاسىنداعى جەدەل جاردەم اۋرۋحاناسىنا جاتقىزىلدى», دەلىنگەن حابارلامادا.
قازىر وقيعانىڭ ءمان-جايى انىقتالىپ جاتىر.