ۋكراينا بەلارۋسپەن شەكارادا بەكىنىستەر مەن دۋال سالىپ جاتىر. بۇل تۋرالى Telegram-دا ۋكراينا پرەزيدەنتى كەڭسەسى باسشىسىنىڭ ورىنباسارى كيريلو تيموشەنكو حابارلادى, دەپ جازادى Egemen.kz.
«قازىر وڭتۇستىكتە حالقىمىز اسكەريلەرىمىزدى قارسى الىپ جاتىر, ال سولتۇستىكتە تاعى ءبىر جۇمىس قىزۋ ءجۇرىپ جاتىر – بەلارۋس شەكاراسىندا قابىرعا تۇرعىزىلۋدا. ۆولىن قالاسىندا ينجەنەرلىك كەدەرگىلەر سالىنىپ جاتىر. اتاپ ايتقاندا ارىق قازىلىپ, تىكەنەك سىممەن قورشالعان تەمىربەتون قورشاۋ سالىنادى», دەپ جازدى تيموشەنكو.
ول قازىردىڭ وزىندە شەكارانىڭ 3 شاقىرىمداي بولىگى وسىلاي جابدىقتالعانىن اتاپ ءوتتى.
«شەكارا ماسەلەسى مۇنىمەن بىتكەن جوق, بىراق ءبىز ەگجەي-تەگجەيلى ءبارىن ايتپايمىز», دەپ قوستى ول.