الماتىدا جاڭادان سالىنىپ جاتقان تۇرعىن ءۇي كەشەنىنەن ءورت شىقتى, دەپ حابارلايدى Egemen.kz.
جەلىدە الماتىداعى Miracle تۇرعىن ءۇي كەشەنىنەن ءورت شىققانى تۋرالى ۆيدەو تارادى.
الماتى قالاسى توتەنشە جاعدايلار دەپارتامەنتى 10 قاراشادا ساعات 14:57-دە بوستاندىق اۋدانىنداعى اباي داڭعىلى – قاشقار كوشەسىنىڭ قيىلىسىنا ءورت ءسوندىرۋ بولىمشەلەرى جىبەرىلگەنىن حابارلادى.
«سالىنىپ جاتقان توعىز قاباتتى ءۇيدىڭ ەكىنشى قاباتىندا ءورت شىققانى انىقتالدى. ءورت 15:07-دە وقشاۋلانىپ, 15:13-تە جويىلدى. قۇرباندار مەن زارداپ شەككەندەر جوق. ءورت اۋماعى 30 شارشى مەتردى قۇرادى», دەپ ناقتىلادى الماتى قالاسى تجد ءباسپاسوز قىزمەتى.