قازاقستاندا جالاقىنىڭ ورتاشا ءمانى 2022 جىلدىڭ ءIىI توقسانىندا 299 782 تەڭگەنى قۇرادى, دەپ حابارلايدى Egemen.kz ۇلتتىق ستاتيستيكا بيۋروسىنىڭ ءباسپاسوز قىزمەتىنە سىلتەمە جاساپ.
بۇل بىلتىرعىمەن سالىستىرعاندا ءوسىم 23,0%-دى, ناقتى ماندە – 5,8%-دى قۇرايدى. جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 2022 جىلعى ءىIى توقساندا باعالاۋ بويىنشا 189 018 تەڭگەنى قۇرادى.
ەڭبەك ستاتيستيكاسى جانە ءومىر ءسۇرۋ دەڭگەيى دەپارتامەنتىنىڭ ديرەكتورى ناتاليا بەلونوسوۆا تۇسىندىرگەندەي, الدىڭعى توقسانمەن سالىستىرعاندا ءىىى توقسانداعى جالاقى دەڭگەيى ادەتتە تومەندەپ وتىرادى. بۇل ءۇردىس جىل سايىن ەكىنشى توقسان ۋاقىتىنا ءدوپ تۇسەتىن ماۋسىمدىق (دەمالىس تولەمدەرى, ماۋسىمدىق جۇمىستار) جايتتارعا بايلانىستى.
«ەكىنشى توقسانمەن سالىستىرعاندا جالاقى دەڭگەيى 3,9 پايىزدىق تارماققا تومەندەدى. مۇنداي وزگەرىستەر جىل سايىن بايقالادى. جالاقىنىڭ ورتاشا ءمانىن ەسەپتەۋ كەزىندە تابىس سالىعى, زەينەتاقى جانە باسقا دا الەۋمەتتىك اۋدارىمدار سياقتى تولەمدەردىڭ بارلىق ءتۇرى ەسكەرىلەدى», دەيدى ناتاليا بەلونوسوۆا.
جالاقىنىڭ ءوسۋ ديناميكاسى بارلىق سالادا بايقالعان. 2021 جىلمەن سالىستىرعاندا ەڭ جوعارى ءوسىم – قۇرىلىس سالاسىندا 34,5%, اۋىل, ورمان جانە بالىق شارۋاشىلىعى – 31,3%, كولىك جانە قويمالاۋ – 31,1% بولعان. ال تومەن كورسەتكىش دەنساۋلىق ساقتاۋ (5,5%) مەن حالىققا الەۋمەتتىك قىزمەت كورسەتۋ (8,9%) سالاسىندا كورىنىس تاپقان.