مەملەكەت باسشىسى قاسىم-جومارت توقاەۆ شەتەلدىك ديپلوماتتاردى 70 ملرد دوللار اكتيۆتەرى بار الەمدەگى ەڭ ءىرى 30 تاۋەلسىز قوردىڭ قاتارىنا كىرەتىن «سامۇرىق-قازىنا» قورىمەن بەلسەندى ءوزارا ءىس-قيمىل جاساۋعا شاقىردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازىرگى ۋاقىتتا قور اشىقتىق پەن تيىمدىلىكتى ارتتىرۋعا باعىتتالعان كەشەندى ترانسفورماتسيادان ءوتىپ جاتىر. وسى تۇرعىدا باستى باعىتتاردىڭ ءبىرى - «سامۇرىق-قازىنا» قورىنىڭ پورتفەلدىك اكتيۆتەرىن جەكەشەلەندىرۋ. ۇلتتىق مۇناي كومپانياسى, اۋە تاسىمالداۋشىسى جانە تەمىرجول كومپانياسى سياقتى قوردىڭ ەڭ ءىرى اكتيۆتەرى جاقىن ارادا جاريا بولادى. قازمۇنايگاز - ءبىزدىڭ ۇلتتىق مۇناي چەمپيونىمىز وسى كۇزدە قازاقستاندا IPO وتكىزەدى», دەدى پرەزيدەنت.
ايتا كەتسەك, بۇگىن قر پرەزيدەنتى قاسىم-جومارت توقاەۆ شەتەلدىك ديپلوماتيالىق ميسسيالاردىڭ باسشىلارىمەن كەزدەسۋ وتكىزدى. كەزدەسۋدە مەملەكەت باسشىسى ديپلوماتيالىق كورپۋسپەن كەزدەسۋلەردى ەكىجاقتى جانە كوپجاقتى ىنتىماقتاستىقتى نىعايتۋعا باعىتتالعان جاقسى ءداستۇر دەپ اتادى.