بۇگىن استانادا «اتامەكەن» ۇلتتىق كاسىپكەرلەر پالاتاسىنىڭ X سەزى باستالدى, دەپ حابارلايدى Egemen.kz.
سەزد وفلاين فورماتتا ءوتىپ جاتىر. وڭىرلەردەن 300-گە جۋىق ادام كەلدى. جيىن بارىسىندا 9 ماسەلە تالقىلانادى: پالاتانىڭ اتقارىلعان جۇمىسىنىڭ ەسەبى, ترانسفورماتسيادان كەيىنگى ۇلتتىق پالاتانىڭ جاڭا تاسىلدەرى جانە اباي, جەتىسۋ, ۇلىتاۋ وبلىستارىندا وڭىرلىك كاسىپكەرلەر پالاتاسىن قۇرۋ.
سونداي-اق ۇكپ تورالقاسىنىڭ وكىلەتتىگىن مەرزىمىنەن بۇرىن توقتاتۋ جانە جەكەلەگەن مۇشەلەرىن سايلاۋ, باسقارمانىڭ وكىلەتتىك مەرزىمىن بەكىتۋ دە جوسپارلانىپ وتىر.
«بۇگىنگى سەزد تاريحي ەرەكشە كەزەڭدە – قازىر ەلىمىزدىڭ ستراتەگيالىق دامۋىن ايقىندايتىن ۇلكەن ناۋقان كەزىندە ءوتىپ جاتىر. مەملەكەت باسشىسى قاسىم-جومارت كەمەل ۇلىنىڭ «ادىلەتتى قازاقستان» قۇرۋداعى باعىت-باعداردى بەلگىلەدى. وسى باستامانىڭ شەڭبەرىندە «ادىلەتتى ەكونوميكا» قاعيداسىنا سۇيەنە وتىرىپ, ءبىز «اتامەكەن» ۇلتتىق كاسىپكەرلەر پالاتاسى رەتىندە ەلىمىزدىڭ كاسىپكەرلەرىنە تولىقتاي جاعداي جاساۋ ماقساتىندا ترانسفورماتسيا كەزەنىڭەن ءوتىپ جاتىرمىز. ترانسفورماتسيانى ساپالى ىسكە اسىرۋ ءۇشىن بارلىعىمىز بىرلەسە كۇش-جىگەرىمىزدى جۇمىلدىرىپ, ۇلكەن ماقساتقا جەتۋىمىز قاجەت دەپ سانايمىن. بۇل – ءسىز بەن ءبىزدىڭ كاسىپكەرلەر الدىنداعى ورتاق مىندەتىمىز بەن جاۋاپكەرشىلىگىمىز», دەدى تورالقا توراعاسى رايىمبەك باتالوۆ.