لەنين شاحتاسىندا بەس كەنشى قازا بولعان وقيعا فاكتىسى بويىنشا قىلمىستىق ءىس قوزعالدى, دەپ حابارلايدى Egemen.kz.
قىلمىستىق ءىس قر قك-ءنىڭ 277-بابىنىڭ 3-بولىگى «تاۋ-كەن جۇمىستارىن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بويىنشا تىركەلدى.
«وقيعا ورنىندا قاراعاندى وبلىسىنىڭ پوليتسيا دەپارتامەنتىنىڭ جەدەل-تەرگەۋ توپتارى جۇمىس ىستەپ جاتىر. قازىرگى ۋاقىتتا بارلىق قاجەتتى تەرگەۋ امالدارى جۇرگىزىلۋدە», دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.