قازاقستاندا ۇزاق مەرزىمدى جەڭىلدەتىلگەن ءبىلىم بەرۋ نەسيەلەرىن ەنگىزۋ جوسپارلانۋدا. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەمە جاسادى, دەپ حابارلايدى Egemen.kz.
«وقۋ اقىسىنا جىلدىق 2-3 پايىزبەن ۇزاق مەرزىمدى جەڭىلدەتىلگەن نەسيە الۋ مۇمكىندىگىن بەرۋ جوسپارلانۋدا», دەدى س.نۇربەك ۇكىمەت وتىرىسىندا سويلەگەن سوزىندە.
ءمينيستردىڭ ايتۋىنشا, جوعارى جانە جوعارى وقۋ ورنىنان كەيىنگى بىلىمگە قولجەتىمدىلىكتى كەڭەيتۋ ماقساتىندا ءبىلىم بەرۋ گرانتتارى جۇيەسىنە ديففەرەنتسيالاۋدى ەنگىزە وتىرىپ, گرانتتاردىڭ قۇنى قايتا قارالادى: 30%-دان 100%-عا دەيىن.
سونداي-اق حالىق تىعىز ورنالاسقان جانە جاڭادان قۇرىلعان وڭىرلەردە, اباي, ۇلىتاۋ, جەتىسۋدان كەلگەن تالاپكەرلەرگە گرانتتار بولىنەدى.