اقش-تىڭ دەموكراتيالىق پارتياسىنىڭ دەپۋتاتى ريچارد بليۋمەنتال ساۋد ارابياسى اقش-تىڭ قۇپيا قورعانىس تەحنولوگياسىن رەسەيمەن ءبولىسۋى مۇمكىن ەكەنىن ايتىپ, وسى ماسەلەگە قاتىستى الاڭداۋشىلىق ءبىلدىردى. «بۇل بىزگە «كەرى اسەرىن» تيگىزۋى مۇمكىن», دەپ دابىل قاقتى سەناتور ريچارد بليۋمەنتال.
بۇعان دەيىن ساياساتكەر وپەك+ ۇيىمىنىڭ مۇناي ءوندىرۋدى قىسقارتۋ تۋرالى شەشىمى اياسىندا ساۋد ارابياسىنا اسكەري تەحنولوگيالار بەرۋدى توقتاتۋدى ۇسىنىپ, پەنتاگونمەن كەلىسسوز بارىسىندا بۇل ماسەلەنى تەرەڭىرەك زەرتتەۋگە نيەتتى ەكەنىن ايتقان بولاتىن. The Guardian باسىلىمىنا بەرگەن سۇحباتىندا بليۋمەنتال اقش-تىڭ ەر-ريادتاعى سەرىكتەستەرىمەن بولىسكەن تەحنولوگيانىڭ رەسەيگە اشكەرە بولماۋىن قاداعالايتىنىن, ءبىر جاعىنان الاڭدايتىنىن ايتتى. ء«بىز پەنتاگونمەن ءالى دە كەلىسسوز جۇرگىزىپ, كەڭەسەمىز, ولارمەن قارۋ-جاراق جۇيەسىنىڭ وزىق تەحنولوگياسىن بەرگەن جاعدايدا, قانداي شارا قولداناتىنى نەمەسە ونىڭ الدىن الۋ تۋرالى اشىق سويلەسەمىز», دەدى ول سۇحباتىندا.
سەناتور سونداي-اق ساۋد ارابياسىنداعى جانە ءالى دە ترانزيتتە جاتقان قارۋدى ۋكرايناعا بەرۋ تۋرالى ۇسىنىستى قولدايتىنىن اتاپ ءوتتى. دەگەنمەن بىرقاتار ساراپشى كيەۆكە قارۋ-جاراق بەرۋ قيىنعا سوعىپ, قاقتىعىستىڭ شيەلەنىسۋىنە اكەلەتىنىن اتاپ ءوتتى. ءوز كەزەگىندە بليۋمەنتال ۋكرايندىق جاۋىنگەرلەردى ەلدەن تىس جەرلەردە دايارلاۋعا بولاتىنىن ايتتى.
قارۋ-جاراقتى باقىلاۋ قاۋىمداستىعىنىڭ اعا عىلىمي قىزمەتكەرى دجەفف ابرامسون ساۋد ارابياسىنىڭ ونداعان جىل بويى اقش-تىڭ اسكەري تەحنيكاسىن, سونىڭ ىشىندە زاماناۋي قارۋ-جاراق جۇيەلەرىنىڭ نەگىزگى ساتىپ الۋشىسى بولعانىن اتاپ ءوتتى. بۇعان دەيىن ساۋد ارابياسىنىڭ قورعانىس ءمينيسترى حالەد بەن سالمان ءال ساۋد «ۋكرايناداعى قاقتىعىستا رەسەيدى قولدادى» دەپ ەلىنە تاعىلعان ايىپتاردى نەگىزسىز دەپ مالىمدەگەن بولاتىن.
ال وپەك-ءتىڭ كەلەسى ايدا مۇناي ءوندىرۋدى كۇنىنە 2 ملن باررەلگە قىسقارتۋ تۋرالى شەشىمى ساۋد مونارحياسى مەن ۆاشينگتونداعى دەموكراتتار اراسىنداعى كەلىسپەۋشىلىكتى تەرەڭدەتە ءتۇستى.
ەر-ريادتىڭ ۋكراينامەن قاقتىعىستا ونىڭ رەسەي جاعىنا شىعۋىن, جانارماي قۇيۋ بەكەتتەرىندەگى جانارماي باعاسىن كوتەرۋىن اقش بيلىگى كەلەسى ايدا وتەتىن ماڭىزدى ارالىق سايلاۋ الدىندا دجو بايدەن مەن دەموكراتتارعا كەرى اسەر ەتىلدى دەپ سانايدى. بايدەن دە, ونىڭ كونگرەستەگى دەموكراتيالىق وداقتاستارى دا بۇل قادامعا كوڭىلى تولمايتىندىقتارىن ءبىلدىردى. اقش پرەزيدەنتى ساۋد ارابياسىنىڭ بۇل قادامىنا «جاۋاپ» بولاتىنىن ەسكەرتىپ, ساۋد ارابياسىن اقش-پەن قارىم-قاتىناسىن وزگەرتۋگە شاقىردى. وتكەن جەكسەنبىدە اقۇيدىڭ ۇلتتىق قاۋىپسىزدىك جونىندەگى كەڭەسشىسى دجەيك سالليۆان پرەزيدەنت بايدەن ءىرى مۇناي ءوندىرۋشى ەلمەن قاۋىپسىزدىك جاعىنان كورسەتىلەتىن كومەك ارقىلى ەسەسىن قايتاراتىنىن ايتتى. الايدا ءدال سول كۇنى ساۋد ارابياسىنىڭ قورعانىس ءمينيسترى حاليد بەن سالمان Twitter-دە وپەك+ مۇناي ءوندىرىسىن قىسقارتۋ تۋرالى شەشىمدى «تازا» ەكونوميكالىق سەبەپتەرمەن ءبىراۋىزدان قابىلدانعانىن ايتىپ, پىكىر ءبىلدىردى. ال بۇل شەشىمگە قاتىستى پەنتاگون ءالى رەسمي تۇسىنىكتەمە بەرگەن جوق.
اقش-تىڭ دەموكراتيالىق پارتياسىنىڭ دەپۋتاتى ريچارد بليۋمەنتال رەسەيدىڭ ەر-ريادتاعى امەريكالىق سەرىكتەستەرمەن بولىسەتىن قۇپيا تەحنولوگياعا قارسى بولعانىمەن قازىرگى ۋاقىتتا ساۋد ارابياسىندا جانە ۋكرايناداعى وداقتاستارىنا قارۋ-جاراق بەرۋ تۋرالى ۇسىنىستاردى قولدايتىنىن مالىمدەدى.
ساۋد ارابياسىنىڭ قارۋ-جاراق ساتىلىمىن زەرتتەگەن يەل مەنەدجمەنت مەكتەبىنىڭ پروفەسسورى دجەففري سوننەنفەلد سوڭعى بەس جىلدا امەريكانىڭ ەڭ سەزىمتال قارۋ-جاراقتارى ساۋد ارابياسىنا جونەلتىلىپ وتىرعانىن ايتتى. «بىزدە كانادا, ۇلىبريتانيا, يزرايل جانە اۋستراليانى قوسا العاندا, ساۋد ارابياسى سياقتى بىرەگەي قاۋىپسىزدىك سەرىكتەستىگى بار وداقتاستارىمىز جوق», دەدى ول The Guardian-عا بەرگەن سۇحباتىندا. ال ەكى ەل اراسىنداعى قارۋ-جاراق تۋرالى كەلىسىمدەر 2017 جىلى ترامپ اكىمشىلىگى تۇسىندا باستالعان ەدى.