قازاقستاندا ەسىرتكى ساتۋمەن اينالىسقان قىلمىستىق توپ ۇستالدى, دەپ حابارلايدى Egemen.kz.
«استانا مەن الماتى قالالارىندا «مەفەدرون» پسيحوتروپتىق زاتىن دايىنداۋمەن جانە تاراتۋمەن اينالىسقان قىلمىستىق توپ ۇستالدى. توپ 4 ادامنان تۇردى», دەلىنگەن Polisia.kz حابارلاماسىندا.
تەكسەرۋ كەزىندە زيانكەستەر پسيحوتروپتىق زاتتاردى الماتىدان استاناعا جەكە تاسىمالداۋشىلار ارقىلى تاسىمالداعانىن انىقتادى.
الماتىدا كولىك پوليتسەيلەرى گاراجدىڭ استىنا جاسىرىنعان زەرتحانا ورناتىپ, وندا پسيحوتروپتىق زاتتاردى دايىنداۋعا ارنالعان 26-دان استام جابدىق, ەسىرتكىنى دايىنداۋعا ارنالعان 500 ليتر حيميالىق كونتسەنترات, سونداي-اق 1 كەلىدەن استام دايىن پسيحوتروپتىق زات تابىلدى.
«قازىرگى ۋاقىتتا اتالعان فاكتىگە قاتىستى قر قك 297-بابى بويىنشا تەرگەۋ جۇرگىزىلۋدە. ۇستالعاندار كىناسىن مويىندادى, ولاردىڭ بارلىعى ۋاقىتشا ۇستاۋ يزولياتورىنا قامالدى», دەپ اتاپ ءوتتى كولىكتەگى پد باستىعى وڭال بەكيەۆ.