ەكىباستۇزدا جۇمباق جاعدايدا جوعالىپ كەتكەن ەر ادام ءالى دە تابىلماي جاتىر, دەپ حابارلايدى Egemen.kz Pavlodarnews پورتالىنا سىلتەمە جاساپ.
34 جاستاعى دەنيس پوتيلەنكو 13-قازان كۇنى بالاسىن بالاباقشاعا اپارعان. سودان بەرى ۇشتى-كۇيلى جوعالعان. جۇمىسىنا دا بارماعان. ىزدەۋشىلەر ونىڭ ۇيدەن بالاباقشاعا دەيىنگى باعىتىن انىقتاعان. سونىمەن قاتار قالا تۇرعىندارىنان دا سۇراستىرىلىپ جاتىر.
الايدا كورگەن ادام تابىلمادى. ءىز كەسۋشى يتتەرمەن گاراجدار تەكسەرىلىپ جاتىر.
بۇگىن ىزدەۋ جۇمىستارى جۇرگىزىلىپ جاتقانىنا 10 كۇننەن استى.