بۇل تۋرالى مەملەكەت باسشىسى الماتى وبلىسىنىڭ جۇرتشىلىعىمەن كەزدەسۋ بارىسىندا ايتتى, دەپ حابارلايدى Egemen.kz.
«قازاقشا سويلەيتىن جاستار كوبەيىپ كەلە جاتىر. جالپى, تىلدىك ورتا تۇبەگەيلى وزگەردى. قازاق ءتىلىن بىلەتىن وزگە ۇلت وكىلدەرى دە از ەمەس. سوعان سايكەس قازاقشا فيلمدەرگە, اندەرگە جانە باسقا دا ونىمدەرگە دەگەن سۇرانىس جوعارى. مۇنىڭ ءبارى قازاق ءتىلىنىڭ قولدانۋ اياسى جىلدان-جىلعا كەڭەيىپ كەلە جاتقانىن كورسەتەدى. سوندىقتان, الاڭداۋعا ەش نەگىز جوق», دەدى پرەزيدەنت.
سونداي-اق ەل پرەزيدەنتى قازاق ءتىلىن پايدالانىپ, ساياسي ويىندار جۇرگىزۋدىڭ قاجەتى جوق ەكەندىگىن اتاپ ءوتتى.
«وسىنداي تەرىس تۇسىنىكتەر كەيبىر ەلدەردى قاسىرەتكە ۇشىراتتى. مەملەكەت قازاق ءتىلىن قولداۋ ءۇشىن ءتيىستى شارالار قولدانىپ جاتىر. بۇل باعىتتاعى جۇمىستى جالعاستىرا بەرەمىز. ءوز ءتىلىمىزدى ءوزىمىز ۇلىقتاۋىمىز كەرەك. بۇل – وتە دۇرىس. بىراق, وزگە تىلدەن باس تارتۋعا بولمايدى. ء«وز ءتىلىڭ بىرلىك ءۇشىن, وزگە ءتىل تىرلىك ءۇشىن» دەگەن ءسوز بار. ءبىز ءتىل ساياساتىن بايىپپەن جۇرگىزۋىمىز كەرەك. سوندا عانا كوزدەگەن ماقساتىمىزعا جەتەمىز», دەپ اتاپ ءوتتى مەملەكەت باسشىسى.