ءۇندىستاننىڭ سىرتقى ىستەر جانە مادەنيەت ءمينيسترى ميناكشي لەكحي حانىم استانا مەديتسينا ۋنيۆەرسيتەتىنە ارنايى باردى, دەپ حابارلايدى Egemen.kz.
ول ءۇندىستاننان قازاقستانعا وقۋعا كەلگەن ستۋدەنتتەرمەن كەزدەسۋ وتكىزدى. سەبەبى ولاردىڭ 600-دەن استامى وسى وقۋ ورنىندا ءبىلىم الىپ جاتىر.
ستۋدەنتتەرمەن كەزدەسۋدە دەنساۋلىق ساقتاۋ ۆيتسە-ءمينيسترى جاندوس بۇركىتباەۆ قۇتتىقتاۋ سوزىندە بيىلعى جىل قازاقستان مەن ءۇندىستان اراسىنداعى دوستىق قارىم-قاتىناستىڭ 30 جىلدىعى ەكەنىن حابارلادى.
قازىرگى ۋاقىتتا قازاقستاندىق جوعارى وقۋ ورىندارىندا ءۇندىستاننان 5000-نان استام ستۋدەنت وقيدى جانە ولار شەتەلدىك ستۋدەنتتەردىڭ نەگىزگى كونتينگەنتىن قۇرايدى. ۆيتسە-مينيستر قازاقستاندىق مەديتسينالىق ۋنيۆەرسيتەتتەردىڭ ءبىلىم بەرۋ باعدارلامالارى بارلىق حالىقارالىق ستاندارتتارعا سايكەس كەلەتىنىن جانە شەتەلدىك ستۋدەنتتەر مەديتسينالىق ماماندىق الۋ ءۇشىن ءبىزدىڭ ەلىمىزدى تاڭدايتىنى كەزدەيسوق ەمەس ەكەنىن اتاپ ءوتتى.
ءوز كەزەگىندە قادىرمەندى قوناق ستۋدەنتتەر الدىندا ءسوز سويلەپ, ءوز ەلىنىڭ ءاربىر ستۋدەنتى باسقا مەملەكەتتە جۇرگەن سوڭ ءۇندىستاننىڭ ەلشىسى رەتىندە ەسەپتەلەتىنىن اتاپ ءوتتى.