1 قازاندا جەكە تۇلعالاردىڭ م ۇلىك سالىعىن تولەۋ مەرزىمى اياقتالادى. وسىعان بايلانىستى 65 مىڭنان استام الماتىلىق بانكتىك قىزمەتتەردى الۋ مۇمكىندىگىنەن ايىرىلۋى مۇمكىن, دەپ حابارلايدى Egemen.kz قالالىق مەملەكەتتىك كىرىستەر دەپارتامەنتىنە سىلتەمە جاساپ.
ۆەدومستۆو حابارلاعانداي, سالىق تولەمەگەن ازاماتتار بانك شوتتارىن اشۋ, اۋدارىم جاساۋ, نەسيە راسىمدەۋ جانە باسقا دا قىزمەتتەردەن ايىرىلادى.
«جەكە مەنشىك قۇقىعىندا جەكە ۇيلەرى, پاتەرلەرى, ساياجاي قۇرىلىستارى, گاراجدارى جانە وزگە دە قۇرىلىستارى بار تۇلعالار سالىق تولەۋشىلەر بولىپ سانالادى. تولەۋ مەرزىمىنىڭ اياقتالۋىنا بىرنەشە كۇن قالعانىنا قاراماستان, 65 215 تۇرعىن جالپى سوماسى 945 ميلليون تەڭگە سالىق تولەمەگەن. تولەنبەگەن سالىقتىڭ ەڭ ءىرى سوماسى بوستاندىق اۋدانىنىڭ تۇرعىنىنا تيەسىلى, ونىڭ بەرەشەگى شامامەن 15 ميلليون تەڭگەنى قۇرايدى», دەپ حابارلادى قالالىق مكد.
ايتا كەتسەك, مەرزىمى وتكەن ءاربىر كۇن ءۇشىن ۇلتتىق بانك بەلگىلەگەن قايتا قارجىلاندىرۋدىڭ رەسمي ستاۆكاسىنىڭ 1,25 ەسەلەنگەن مولشەرىندە ءوسىمپۇل ەسەپتەلەدى.
«سالىق ورگاندارى ماجبۇرلەپ ءوندىرىپ الۋ ماقساتىندا سوت ورىنداۋشىلارىنا سالىقتىق بۇيرىقتاردى جىبەرەدى, ولار بورىشكەرلەرگە قاتىستى شارالاردى, ونىڭ ىشىندە م ۇلىك پەن بانك شوتتارىنا تىيىم سالۋ, سونداي-اق شەتەلگە شىعۋعا شەكتەۋ ششارالارىن قولدانادى. سالىقتاردى تولەمەۋمەن بايلانىستى جاعىمسىز جاعدايلاردى بولدىرماۋ ءۇشىن جاقىن كۇندەرى جەكە تۇلعالاردىڭ م ۇلىك سالىعىن تولەۋگە شاقىرامىز. بارلىق سۇراقتار بويىنشا بىرىڭعاي بايلانىس ورتالىعىنا 1414 ءنومىرى بويىنشا حابارلاسۋعا بولادى», دەپ تولىقتىردى دەپارتامەنتتەن.