قاسىم-جومارت توقاەۆ بۇۇ باس اسسامبلەياسىنىڭ 77-وتىرىسىندا ەۋروپالىق كوميسسيا پرەزيدەنتى ۋرسۋلا فون دەر ليايەنمەن كەلىسسوز جۇرگىزىپ, قازاقستانعا رەسمي ساپارمەن كەلۋگە شاقىردى.
تاراپتار قازاقستان مەن ەۋروپالىق وداق اراسىنداعى كەڭەيتىلگەن ستراتەگيالىق ارىپتەستىكتى دامىتۋ پەرسپەكتيۆالارىن تالقىلادى. قازاقستان پرەزيدەنتىنىڭ 2021 جىلعى قاراشاداعى بريۋسسەلگە رەسمي ساپارىنىڭ قورىتىندىسى بويىنشا قول جەتكىزىلگەن كەلىسىمدەردى جۇزەگە اسىرۋعا ەرەكشە نازار اۋدارىلدى. اتاپ ايتقاندا, ەنەرگەتيكا جانە كولىك-لوگيستيكا سالالارىندا جوبالاردى جۇزەگە اسىرۋ ماسەلەلەرى قوزعالدى.
ەۋروپالىق كوميسسيانىڭ باسشىسى قازاقستاندا جۇزەگە اسىرىلىپ جاتقان اۋقىمدى رەفورمالاردى جوعارى باعالادى.