«سامۇرىق-قازىنا» توبىنىڭ بارلىق كومپانياسىنىڭ وكىلى سانالاتىن Samruk-Kazyna Trust اشىقتىق ماقساتىندا sk-trust.kz رەسمي سايتىن جاڭارتىپ, ونى قوعام بەلسەندىلەرى مەن كەۇ-عا بارىنشا ىڭعايلاعان, دەپ حابارلايدى Egemen.kz.
ەندى قولدانۋشى سايتتىڭ باستى بەتىندە بىرنەشە تەتىكتى باسۋ ارقىلى عانا جوبانى قارجىلاندىرۋعا ءوتىنىم بەرە الادى. وتىنىشپەن بىرگە كەۇ جانە ءوتىنىش بەرۋشى, ونىڭ جوباسى تۋرالى اقپارات پەن قۇجاتتارى قوسا بەرىلۋى ءتيىس. بارلىق اقپارات قازاق, ورىس جانە اعىلشىن تىلدەرىندە قولجەتىمدى.
ۇسىنىلعان قۇجاتتاردى Samruk-Kazyna Trust ماماندارى تەكسەرەدى. بۇل پروتسەسس 15 جۇمىس كۇنىنەن اسپايدى. وسىدان كەيىن ءاربىر ءوتىنىم بويىنشا تۇپكىلىكتى شەشىمدى قوردىڭ قامقورشىلىق كەڭەسى قابىلدايدى, ونىڭ قۇرامى سايتتا كورسەتىلگەن. ونىڭ ءبىر مۇشەسى – بەلگىلى قوعام قايراتكەرى, سەنات دەپۋتاتى ءلاززات قالتاەۆا. بارلىق ۇمىتكەر كەڭەس وتىرىستارىنا قاتىسىپ, جوبالارىن ونلاين جانە وفلاين رەجىمدە قورعاي الادى.
Samruk-Kazyna Trust سايتى جاڭارتىلعاننان كەيىن كوپ ۇزاماي العاشقى كەۇ قارجىلاندىرۋعا قول جەتكىزدى. اتاپ ايتار بولساق, جاستارعا پسيحولوگيالىق قيىندىقتاردى جەڭۋگە جانە كاسىبي ءبىلىم الۋعا كومەكتەسەتىن نۇر-سۇلتانداعى Bilim Foundation, سونداي-اق اتىراۋدان ميى جانە ج ۇلىنى زاقىمدانعان بالالارعا يپپوتەراپيا ءادىسى ارقىلى كومەكتەسۋمەن اينالىساتىن «مالەنكايا سترانا» ۇيىمدارى جوبالارىنا قولداۋ تاپتى.