قازاقستان پرەزيدەنتى قاسىم-جومارت توقاەۆ الداعى ايلاردا مەرزىمىنەن بۇرىن سايلاۋدى بەلگىلەپ, ەكىنشى مەرزىمگە سايلاۋعا ءتۇسۋدى جوسپارلاپ وتىر. بۇل تۋرالى ول جىل سايىنعى جولداۋىندا مالىمدەدى.
ق.توقاەۆ مۇنايعا باي ورتالىق ازيا ەلىندە كەلەسى جىلدىڭ باسىندا مەرزىمىنەن بۇرىن پارلامەنتتىك سايلاۋ وتكىزۋدى دە ۇسىندى. بۇل قادام بيىلعى قاڭتارداعى زورلىق-زومبىلىق پەن كونستيتۋتسيالىق رەفەرەندۋم مەن بۇرىنعى پرەزيدەنت ن.نازارباەۆتىڭ بيلىكتەن كەتۋىمەن بايلانىستى.
توقاەۆ 2019 جىلى نازارباەۆ وتىز جىلعا جۋىق بيلىكتە وتىرعاننان كەيىن كەنەتتەن بيلىكتەن كەتكەن كەزدە بەسجىلدىق مەرزىمگە سايلاندى. الداعى سايلاۋدا ق.توقاەۆ جەڭىسكە جەتسە, ونىڭ تاۋەلسىز كوشباسشى رەتىندەگى ۇستانىمىن نىعايتادى. سونداي-اق ق.توقاەۆ پرەزيدەنتتىك وكىلەتتىگىن بەس جىلدان جەتى جىلعا دەيىن ۇزارتۋ, بولاشاق پرەزيدەنتتەردىڭ ءبىر مەرزىمنەن ارتىق سايلاۋعا تۇسۋىنە تىيىم سالۋدى ۇسىندى.