قازىرگى قيىن گەوساياسي جاعدايدا قازاقستان پرەزيدەنتى قاسىم-جومارت توقاەۆ بيىلعى كۇزدە كەزەكتەن تىس پرەزيدەنتتىك سايلاۋ مەن 2023 جىلدىڭ ءبىرىنشى جارتىسىندا پارلامەنتتىك سايلاۋ وتكىزۋدى ۇسىندى.
بەيسەنبىدە پارلامەنتتە سويلەگەن سوزىندە ق.توقاەۆ پرەزيدەنتتىك بيلىك قازىرگى ەكى بەس-جىلدىق مەرزىمنەن ءبىر جەتىجىلدىق مەرزىمگە قىسقارتىلاتىنىن مالىمدەدى. «مەن كەزەكتەن تىس پرەزيدەنتتىك سايلاۋدى 2022 جىلدىڭ كۇزىندە وتكىزۋدى ۇسىنامىن», دەدى ق.توقاەۆ. قازاقستاندا پرەزيدەنت سايلاۋى 2024 جىلى, ال پارلامەنت سايلاۋى 2025 جىلى وتۋگە ءتيىس ەدى.
بۇرىنعى كەڭەستىك رەسپۋبليكا قازاقستان رەسەي باستاعان ەۋرازيالىق ەكونوميكالىق وداق پەن ۇجىمدىق قاۋىپسىزدىك شارتى ۇيىمىنىڭ (ۇقشۇ) مۇشەسى رەتىندە رەسەيمەن جاقسى قارىم-قاتىناستا. رەسەي ۋكرايناعا باسىپ كىرگەندە قازاقستان بەيتاراپ كوزقاراس ءبىلدىردى. بۇل ەل ەكونوميكالىق بايلانىستارى بەرىك رەسەيگە قارسى باتىستىڭ سانكتسيالارىنا جاناما سوققى بەرمەۋگە كۇش سالۋدا. سونداي-اق قازاقستان رەسەي تاراپىنان كەدەرگىلەرگە تاپ بولسا دا, ەو-عا مۇناي ەكسپورتىن ۇلعايتقىسى كەلەدى.