قازاقستان پرەزيدەنتى قاسىم-جومارت توقاەۆ ازەربايجانعا العاشقى رەسمي ساپارىن جاسادى.
ساپار بارىسىندا ەكى ەل باسشىسى ەكىجاقتى ىنتىماقتاستىقتى نىعايتۋ تۋرالى دەكلاراتسياعا قول قويدى. قازاقستان باسشىسى ازەربايجانمەن ءوزارا ساۋدا-ەكونوميكالىق بايلانىستاردى جانداندىرۋ ارقىلى قارىم-قاتىناستى جاڭا دەڭگەيگە شىعارۋعا نيەتتى ەكەنىن اتاپ ءوتتى. سونداي-اق ساپار بارىسىندا تۇركى الەمىنىڭ مادەني استاناسىنىڭ ءبىرى تۇركىستان مەن ەكى جىل بۇرىن ارميانداردان قايتارىلىپ الىنعان شۋشا قالاسى اراسىندا باۋىرلاس قارىم-قاتىناستاردى ورناتۋ تۋرالى حاتتاماعا قول قويدى.