الماتىلىق پوليتسەيلەر اجەتحانادا جاتقان جاڭا تۋعان نارەستەنى قۇتقارىپ قالدى, دەپ حابارلايدى Egemen.kz Polisia.kz سايتىنا سىلتەمە جاساپ.
وقيعا 24 تامىز كۇنى تۇندە تۇركسىب اۋدانىندا بولعان.
«بىزگە تۇنگى ساعات ەكىدە كامەلەتكە تولماعان قىز تۇسىك تاستاعانى تۋرالى قوڭىراۋ كەلىپ ءتۇستى. ول قالاداعى اۋرۋحانالاردىڭ بىرىنە جاتقىزىلدى. دارىگەرلەرمەن سويلەسكەننەن كەيىن مەن وقيعا ورنىنا بارىپ, تەكسەرۋدى ءجون كوردىم. باسىما بالا قايدا دەگەن سۇراق كەلدى. قىزدىڭ اناسىنان وقيعاعا دەيىن قىز سىرتتاعى دارەتحانادا ءبىراز ۋاقىت بولعانىن ءبىلدىم. دارەتحانا ىشىنەن قان ىزدەرىن تاۋىپ, ىشىندە جاتقان بالانى كوردىم. ول دەم الىپ جاتتى. وسى كەزدە تەرگەۋ-جەدەل توبى كەلدى, ونىڭ قۇرامىندا كريمينالدىق پوليتسيا ءبولىمىنىڭ جەدەل ۋاكىلى عازيز حاماسقاليەۆ بولدى. ءبىز دارەتحانانىڭ ەدەنىنەن تاقتايلاردى تەز الىپ تاستادىق. ارىپتەسىم عازيز تومەن ءتۇسىپ, بالانى قىزمەتتىك كويلەگىنە وراپ, ابايلاپ شىعارىپ الدى. سول كەزدە نارەستە جىلادى. ءبارىمىز ۋايىمدادىق. بالانى تەز ارادا دارىگەرلەرگە تاپسىردىق», دەدى تۇركسىب اۋداندىق پب-نىڭ كامەلەتكە تولماعاندار ءىسى جونىندەگى ۋچاسكەلىك ينسپەكتورى نۇرجان شاتۋنوۆ.
17 جاستاعى ءجاسوسپىرىمنىڭ اناسىنىڭ ايتۋىنشا, ول قىزىنىڭ جۇكتى بولعانىن بىلمەگەن. قازىرگى ۋاقىتتا بۇل دەرەك بويىنشا تۇركسىب اۋداندىق پب-نا قاراستى پوليتسيا بولىمىندە تەرگەۋ امالدارى باستالدى. وقيعانىڭ ءمان-جايى انىقتالىپ جاتىر.
«قازىر بالانىڭ جاعدايىن ءبىلىپ قايتتىق. ول دارىگەرلەردىڭ باقىلاۋىندا جانساقتاۋ بولىمىندە جاتىر.ء وز بەتىنشە دەم الىپ جاتىر. بۇل جاڭالىققا بالانى قۇتقارۋعا قاتىسقان بارلىق ارىپتەستەرىم قاتتى قۋاندى. دەمەك بالا ءومىر سۇرەدى. ول تۋعاننان بەرى ءوز ءومىرى ءۇشىن كۇرەستى. وعان زور دەنساۋلىق, ۇزاق عۇمىر تىلەيمىز. باقىتتى بولىپ وسە بەرسىن. مەن ءۇش ۇلدىڭ اكەسىمىن. سوندىقتان بۇل وقيعا مەنى بەي-جاي قالدىرمادى.ء بىز ءوز ارىپتەستەرىمىزبەن بىرگە قۇتقارىلعان نارەستەنىڭ تاعدىرىن مىندەتتى تۇردە قاداعالايمىز», دەدى شاتۋنوۆ.