اباي وبلىستىق قوعامدىق كەڭەسىنىڭ مۇشەلەرى ىرىكتەلدى

ۇمىتكەرلەر قۇجاتتارىن 19 شىلدە مەن 1 تامىز ارالىعىندا وتكىزگەن. وبلىس كولەمىندە 86 ادام ءوتىنىش بەرگەن.

«بارلىعى 83 ۇمىتكەر اڭگىمەلەسۋگە ءوتتى. ونىڭ ىشىندە 1 ۇمىتكەر ءوز ەركىمەن ءوتىنىشىن قايتارىپ السا, 2 ۇمىتكەر اڭگىمەلەسۋگە كەلمەگەن. اشىق داۋىس بەرۋ ارقىلى كونكۋرسقا قاتىسقانداردان 30 ادام ىرىكتەلدى. بۇل ازاماتتاردىڭ 15-ءى بيزنەس وكىلى, 4 ەڭبەك ارداگەرى, 4 قوعام بەلسەندىسى, 1 مۇمكىندىگى شەكتەۋلى ازامات, 4 بۇقارالىق اقپارات قۇرالدارىنىڭ وكىلى, 2 بەلسەندى جاس», دەلىنگەن وبلىس اكىمدىگىنىڭ حابارلاماسىندا.

ونىڭ ىشىندە مەملەكەتتىك مەكەمەلەر مەن كۆازيمەملەكەتتىك سەكتوردان 3 ادام بار: 2 ءبىلىم, 1 دەنساۋلىق ساقتاۋ سالاسىنان. قوعامدىق كەڭەسكە ۇسىنىلعان ازاماتتاردىڭ 25-ءى ەرلەر (76%), 8-ءى ايەلدەر (24%). كەڭەس مۇشەلەرىنىڭ ورتاشا جاسى - 56.