الماتى پروكۋرورلارى «سپۋتنيك» تۇرعىن ءۇي كەشەنىندەگى انا مەن ەكى بالانىڭ ولىمىنە قاتىستى ءىستى باقىلاۋعا الدى, دەپ حابارلايدى Egemen.kz.
ۆەدومستۆو مالىمەتىنشە, مارقۇم 34 جاستاعى ايەل مەن ونىڭ 2015 جانە 2020 جىلى تۋعان بالالاردىڭ دەنەسىندە زورلىق بەلگىلەرى تابىلعان.
«پوليتسيا دەپارتامەنتى ادام ءولتىرۋ دەرەگى بويىنشا سوتالدى تەرگەۋدى باستادى, ونىڭ اياسىندا تەرگەۋ جانە جەدەل-ىزدەستىرۋ شارالارىنىڭ تولىق كەشەنى جۇرگىزىلىپ جاتىر. ءتيىستى ساراپتامالار تاعايىندالىپ, بەينەماتەريالدار زەردەلەنىپ, كۋاگەرلەردەن جاۋاپ الىنادى.
قىلمىستىق ءىس جۇرگىزۋ كودەكسىنىڭ 201-بابىنا سايكەس سوتالدى تەرگەۋدىڭ وزگە دەرەكتەرى جاريا ەتىلمەيدى. قىلمىستىق ءىستى تەرگەۋدى قالالىق پروكۋراتۋرا ەرەكشە باقىلاۋعا الدى», دەپ حابارلادى قالالىق پروكۋراتۋرا وكىلدەرى.
ەسكە سالايىق, وقيعا 6 تامىزدا «مامىر» شاعىناۋدانىنداعى پاتەرلەردىڭ بىرىندە بولعان. پوليتسيا دەپارتامەنتىنىڭ باستىعى, گەنەرال-مايور ارىستانعاني زاپپاروۆ تەرگەۋدى جەكە باقىلاۋىنا الدى.