جوندەۋ جۇمىستارىنا بايلانىستى الماتى قالاسىنىڭ بىرقاتار كوشەسىندە قوزعالىس شەكتەلەدى, دەپ حابارلايدى Egemen.kz.
6 تامىزدا ساعات 23.00-دەن 7 تامىز ساعات 7.00-گە دەيىن بوكەيحانوۆ كوشەسى رىسقۇلوۆ داڭعىلىنان سەرىكوۆ كوشەسىنە دەيىن جول تولىق جابىلادى. جولعا ورتاشا جوندەۋ جۇمىستارى جۇرگىزىلەدى.
«سونداي-اق 7 تامىزدا ساعات 23:00-دەن 8 تامىز ساعات 6:00-گە دەيىن بەتون جابىن توسەلۋىنە بايلانىستى روزىباكيەۆ كوشەسى بەرەزوۆسكي كوشەسىنەن وتەپوۆ كوشەسىنە دەيىنگى جول قوزعالىسى تولىق جابىلادى», دەدى الماتى قالالىق موبيلدىلىك باسقارماسى قىزمەتكەرى.